بسم الله الرحمن الرحيم ..
{ إِنَّ اللَّهَ وَمَلَائِكَتَهُ يُصلُّونَ عَلَى النَّبِيِّ يَا أَيُّهَا الَّذينَ آمَنُوا صَلُّوا عَلَيْهِ وَسَلِّمُوا تسلِيماً }
اللهم صّلِ وسَلّمْ عَلۓِ نَبِيْنَامُحَمد ﷺ
رسالة الى المستقبل لا تدع هذه القصة تموت من فضلك .. ❤️🥺
كتابات ماروكو
______________
كان ياماكان
كلشي تغير ماضل شي نفس ماچان
الأ بيت بيبي ام حسن ..وتاخذنا هلمرة سالوفتنا لبيت من بيوت اهلنا البسيطة
بيت بغدادي قديم عمرة ٤٠ سنة
مساحتة ١٠٠متر تحاوطت بحب وطيبة
نبنة بنفس الطين النخلق منه بيبي وجدومستعزة بيه بيبيتي حيل ما ترضى نغيرة ولا نعدل بيه شي
شاخ وكبر وياهم ونرسمت عليه علامات القدم كاشية تحفر وصبغة طاح وتزلغننجمع بيه بكل مناسبة وبكل ليلة عيد نجي ناخذ منه جرعات حب كُلش هواية تكفينا للايام الثكلية علينا واحنا بعيدين عنه
وياجماعة ليلة عيد عدنا غير ..
حيث تتغير موازينا وكلشي يصير بالعكس
الدوشة والازدحام والصوت العالي جان الراحة والسكون بالنسبة النا
منو احنا
احنا اولاد وبنات الخال والخالة دوم تصير لمتنا على حب الله ..ومثل أجراس الكنيسة .. تقرع صوت ضربات قالب الاكلچية وخبصة الشباب وهم ينكلون الصواني يرحون يشونها بالفرن مال الصمون
وهنا تنسحب الشمس وتلامس خيوطها الغروب ..
يتعطر البيت بصورة ياسين بصوت عبد الباسط عبد الصمد ويتبخر كل ركن وزاوية منه باالمسك والعود والعنبربيت يشبه الحضرة الحسينة يلم سبع خوات وتلث اخوان وواودلادهم واحفادهم والكرايب يكبر بينا وبلمتا
كل مجموعة منزوين يسولفون بسالفة شكل
الضحكات النضحكها بيت جدي الها طعم خاص ما تتكر بمكان ثاني ...
مجمعين كلنا بغرفة بيبي الزغيرة
ناس نايمة وناس كاعدة صايرين حل وشد مثل سمج السردينمنتضرين بيبي تكمل صلاة ..
اباوع عليها واتأمل ملامحها مثل المعجزة
ذيج القامة القصيرة المحنية والوجه الدائري الي رسمت عليه السنين خطوط التعب
احب عيونها حيل .. منفوخات من جوة تحت هاي النفخة مو بس سهر وتربية الاولاد والاحفاد لا كنوز ذهب وفضةالايد السمينة والجلد الملموم تحسة حاضن أديها تزينها حروف اسم جدي بدكات لون ازرك
تحب جدي ...
و اي جانت تحبة هواي
وحب اهل كبل ما توصفة كلمات هسة ..
بس تفارگو
جدي التحق وسافر لرفيق الاعلى ،، تمنيت لو باقي موجود حته تكمل الصورة النحبها
بس ارادتة الله فوك كلشي
الحمدالله دائماً وابداً
على اللمة الحلوة والكلوب الصافية ...
أنت تقرأ
بقايا السماء ✨
Romanceتدور احداث هذه الرواية في اطار السنوات الاخيرة حول أم وثلاث بنات يُمازحن دهراً عابساً لا يُمازح تجبرهنَ مرارة الحياة السكنِ في منزل مهجور من الأنس مسكون من العالم الاخر .. وبعد الكثير من النزاع تُطلاء الجدران بالهدوء والسلام وتزين اشجاره بفوانيس...