بقايا السماء ✨

6

{ إِنَّ اللَّهَ وَمَلَائِكَتَهُ يُصلُّونَ عَلَى النَّبِيِّ يَا أَيُّهَا الَّذينَ آمَنُوا صَلُّوا عَلَيْهِ وَسَلِّمُوا تسلِيماً }

اللهم صّلِ وسَلّمْ عَلۓِ نَبِيْنَامُحَمد وآل محمد ﷺ

كتابات ماروكو.

_______________________

غفران:

رجعت من الدوام وحدي رفل ضلت عدها درس خصوصي اشتركت بيه ..

صار النا شهرين بهذ البيت بس بعدنا ما نبات بيه نبات بالجامع ..
ضلت التصليحات مستمرة امي تشتغل بالمستشفى وكل ما نلم شكم فلس نطلع عمال يشتغلونلهم صفحة ..

رجعت تعبانة دكيتها مشي ما ردت اصعد سيارة كلت الكروة اضمها للريم من ترجع تشتري بيها من المحل

لان تصرف هواي وامي ماعدها ..

باوعت على الطرمة بملل
جانوالعمال مخلصين شغل ضاله الجياس مال رمل والغراض مال بناء
وتراب

ذبيت هدوم المدرسه ع السريع لبست دشادشة قديمة وتلثمت بالشال من التراب وبدت ادية تشتغل وبالي يشتغل بغير صفحة

اكنس واعزل على السريع خاف تجي امي وتشتغل وياي وهيه ناكضة من التعب

ويا ما افكر بيها  شتغل تلفوني ضوة اتصال جان صامت ..
ذبيت المكناسه من ايدي ومشيت بتعب اسحل بنعالي

- الو هايمة  ..؟

جاوبتني مفرفحة
- بساع غفران جيبلي الفلوس الضلت وتعاي بساع
نبهتت روحي ..

جاوبتها بصوت مهبوط الكلمات ما تعبر لساني  ..
- يمة وين اجي ؟

زمخت علية بسااااع مو وكت فهاوة
ردتلي العنوان المستشفى

العبايه جانت معلكة ع شباك الطرمة جريتها على راسي وخذت فلوس وتلفوني

طلعت واني اعدل بحجابي برة وهدومي كلها تراب ونعالي
امشي واتلفت ادور على احد يشيل وياي صدمتي ..

الف حسبة اجت بالي اذا امي التريد الفلوس
يعني ما بيها شي

بس ياهي من خواتي وكعت ندعمت تعورت ..

طلع امير من المحل يسفط بالجبس البرة توة مسوك وسيارة المسواك بعدهي واكفة  باوعلي ب استغراب ونضرة استفسار

- غفران !!!!
غفران صاير شي ؟

ضليت اباوعلة بحيرة وحابسة دموعي بس ارمش يوكعن ..
اكلة لو ماكلة ؟!

اخر شي عفتة ومشيت

مشه وراي سريع

وصاح
- غفران خوية احجي وياج اووووووكفي شصاير؟
وكفت