{ إِنَّ اللَّهَ وَمَلَائِكَتَهُ يُصلُّونَ عَلَى النَّبِيِّ يَا أَيُّهَا الَّذينَ آمَنُوا صَلُّوا عَلَيْهِ وَسَلِّمُوا تسلِيماً }
اللهم صّلِ وسَلّمْ عَلۓِ نَبِيْنَامُحَمد وآل محمد ﷺ
كتابات ماروكو.
—————————-
بسبس ..
همست بملل واني مدنكة اعصر بثوبي
هااا من الصباحيات بدينا ..؟ لا اشغل قران ولا شي هسه شوية وانطمر .. كلش مالي خلك اليوم اليلعب وياي احط رجلي بيه
- تالي وياج انتي ما تردين روحج ..؟
عطت مفزوعة التفت عليه بصدمة
- هااااي انت !!
السياج البينا سافين يمكن بس همة سطحهم اعلى شبخ وعبر على سطحنا
ابتعدت لليورة واني بعدني مخرروعة
- انتي ما يسلم من لسانج لا جن ولا انس ؟
جاوبتة بخوفة والتلفت منا ومنا
شرايد ..؟
باوع على جسمي بطرف عينه ودار وجهة بسرعة
امشي لبسيلج شي وتعالي احجي وياج
انتبهت على روحي وركضت بسرعة وركعت الباب قوي قفلتة
ضليت مجلبة بالقفل وارجف كلبي يوجعني
اباوع ع المرايه حالتي تخزي الثوب فاتح وتبلل لاطش على جسمي وملابس الداخليه سود كلها مبينه تقدمت ع المرايه اباوع على ركبتي
ستغفرالله ربي اكيد شافة
لوتني بطني وشاغت روحي
ضليت افتر بالغرفة بحيرة
شسوي
ابقة هنا خاف يجي وراي ..!
لبست جبة فوك دشادشتي وخليت شال على ركبتي
طلعت امشي بهدوء
بقة ع وكفتة مرتاج ع الحايط ثاني رجلة لليورة وايد بجيبه ووايدة الثانية بيها التلفون يتصفح بيه
وصلت يمة ما اهتم بقة يباوع بالتلفون
— شرايد ؟
قفلة وضمة بجيبه بهدوء
سحب نفس وباوع بوجهي بتركيز
دنكت راسي بسرعة اجتني مشاعر سلبية حيل
— شبيج مطنكرة منً الصباحيات ؟!
حجيت بنفاذ صبر
— عبدالله شتريد شعندك هنا وشلون صعد ت ؟
— من الدرج غير..!
— لا اقصد شلون دخلت ؟
— من الباب..!
— هيه مال كوميديا من الصبح ؟
— شبيج خالو يا كوميديا غير بيتنا هذا فتحت الباب وصعدت ..!
حرك المفتاح كبال وجهي
باوعتلة بقهر
— ليش تكولي خالو اسستزغار هذا ؟
— لا
— لعد ..!
YOU ARE READING
بقايا السماء ✨
Romanceتدور احداث هذه الرواية في اطار السنوات الاخيرة حول أم وثلاث بنات يُمازحن دهراً عابساً لا يُمازح تجبرهنَ مرارة الحياة السكنِ في منزل مهجور من الأنس مسكون من العالم الاخر .. وبعد الكثير من النزاع تُطلاء الجدران بالهدوء والسلام وتزين اشجاره بفوانيس...
