بقايا السماء ✨

12

{ إِنَّ اللَّهَ وَمَلَائِكَتَهُ يُصلُّونَ عَلَى النَّبِيِّ يَا أَيُّهَا الَّذينَ آمَنُوا صَلُّوا عَلَيْهِ وَسَلِّمُوا تسلِيماً }

اللهم صّلِ وسَلّمْ عَلۓِ نَبِيْنَامُحَمد وآل محمد ﷺ

كتابات ماروكو
———————-

ريم

مو اتفقنا بعض المعارك هزميتها شرف ..
منين جيت
وليش اجيت ؟!

ليش عيونك تباوعلي بنظرات أستسلام يخوفني اكثر من سلاحك

ياكابوس ليالي الشتة الطويلة .. ليش اشوفك واني صاحية
منو الاسير

ومن المالك ومنو المملوك بهاي اللعبة
المن جاي ..؟ وليش هيج صافن و مضيع

شتريد ..منا ؟
... نتعبك وعلي !

فلوسك اسمك مكانك الناس البضهرك المسدس العلى خصرك كلهن ميخلن چفة ميزانك دگ..

رمشت بثكل ميلت ركبتي بهدوء وابتسمتلة ابتسامة بريئة .. وشياطين مكة كلها كبالي ..

ردلي الابتسامة بلهفة وسوالف عيونه ما تترجم
مدري شيضم بجيبة ادية تشتغل بصفحة وعقلة بصفحة

سمع صوت وراه دنك بسرعة

طلع السيد ابو علي وراه رجال

ضحكة فرح نرسمت على وجهي احب شوفة السيد مشيت بسرعة اتلگاه واسلم عليه اجتي وراي عبير ورويدة

ابو علي : ياهلا بالبنات الحلوات يااا هلااا

بوسنا كلنا براسنة .. شلونجن
شلونج جدو ريمة شلون صرتي
رويدة جدو شلونج امج شلونها
مرية امير دوم انسة اسمها ؟

ريم : ههههه عبير جدو عبير ..
- اي اي عبير تعاي جدو

تعالن هنا تعالن سلمن على عمجن ابو محمد ..وخالتجن ام عبدالله

تقدمت رويدة اول شي سلمت وراها اني نوب عبير

وكفت بثبات وكأنما محد رابح الدنيا غيري

سلم علينا الرجال وطلعت وراها مرية بكد امي سلمت علية
بحرارة ولازمة ايدي ووعيونها تباوع بوجهي متفشلة ..
طلع وراهم سيف وشايل بيدة كعك ماخذة ويا
وشيماء ..
وامي
وغفران الي تريد تنتحر بية ...

صارت لمة وخبصة بالطرمة

بقة هوا واكف بالاخير يمة بنية لاف أيدة على جتفها وحاضنها

وكدامة السيد وهذا الرجال واكفين
البنية مدري شتحجي ويا .. ميللها راسة حته تشاورة
رجع يباوع هنا وهنا وتزحف عيونه علية بس يتلافها ويدير راسة بسرعة

ربكني اكثر

ابتعد الرجال من كدامة حته نشوفة
رويدة اطول مني صرت بسدها من صفحتها والمرة كبالي وبعدهي لازمة ايدي ..!
ضم تلفونه بجيبة استقام وعدل ضهرة