بقايا السماء ✨

البارت 3

{ إِنَّ اللَّهَ وَمَلَائِكَتَهُ يُصلُّونَ عَلَى النَّبِيِّ يَا أَيُّهَا الَّذينَ آمَنُوا صَلُّوا عَلَيْهِ وَسَلِّمُوا تسلِيماً }

اللهم صّلِ وسَلّمْ عَلۓِ نَبِيْنَامُحَمد وآل محمد ﷺ

كتابات ماروكو
———————-

ريم :.

مادري اول مرة اخاف منها .. بنطي نعقجت

عافتني وراحت
رحت وراها ركض

طبت للغرفة عافت الباب مفتوح ..
طبيت وراها بسرعة وسديت الباب

غفران كاعدة تسفط بالملابس
كمزت من دخلتنا
باوعت بخوفة وحجت وهية مبوطة ..

- هااا شبيجن .!!
وتتلفت ع الباب ..

ضلت رفل تفتر بالغرفة حاطة ايد على خصرها وايد تاكل باضافراها وتتفلهن بغضب تروح منا وتجي منا

فركت وجهي بثنين ادية
صرت كبالها

ريم : ر.. رفل
اسمعيني
باعي
سمعي هييي .. لاضلين هيج سوين تحسسيني مسوية مصيبة
بس خليفهمج

رفل : شتفهميني هااااااا شتفهميني والج عين تحجين ؟!!!!

غفران : ياااا ياااااااا صيحن بعد خلي يسمعون شبيجن واحد تاكل الثانية ولا جنجن خوات شكووو شصاير ؟!!!!

رفل : والله الصاير اختج المصونه حاصرها الافندي وبوس وحضن بالسطح

ريم :
نشغت بخوفة
ااااهءءءءءء يمة طين راسج انييييي !!! 
نلصمي احسلج لا تجذبين

رفل : لججججج شفتج بعيني شفتجججججج تجذبين عيوني نوب دايحة !!!

ريم : ايباه .. يعني مشفتيني من دفعته وضربته ؟

رفل : لا حبيتي شفتج مايعة بحضنة وتتمضحكين

ريم ..
بعدني ممكملة كلامي اجاني راشدي وشششششت اذني خليت ايدي على خدي وحجيت بغضب
هيييييي صبري انتي الخ شفتهمتي

رجعت ضربتني مرة الخ غفران
كفخات على راسي وجهي وضهري
صار الضرب علية من كل صفحة اول مرة اشوفها هيج صارت علية مثل النسر

هاي شبيها ..
ضرب من كل مكان وغلط وعياط وصوت عالي

وهاي المسمومة تكلها اي هيج وهيج

اريد احجي ماكدر بس اريد اكلها صوتج رح يسمعوناً
مافتهمت شي غير الراشديات والرفسات وايدها سمينه تأذي

ندفع الباب حيل ودخل مالك بسرعة
سد الباب
وسحب غفران من ايدها عيونة بيهن خوفة ومرتبك
حط اصبعة على حلكة اشر
اششششششش رح يسمعون اشششششش

زحفت ليورة رجعت ثوبي معتوت وجهي صار نار شعري متكطع
احترك كلبي

مالك : هيييييي شجاج تخبلتي شسويتي بالبنية