بقايا السماء ✨

٤

{ إِنَّ اللَّهَ وَمَلَائِكَتَهُ يُصلُّونَ عَلَى النَّبِيِّ يَا أَيُّهَا الَّذينَ آمَنُوا صَلُّوا عَلَيْهِ وَسَلِّمُوا تسلِيماً }

اللهم صّلِ وسَلّمْ عَلۓِ نَبِيْنَامُحَمد وآل محمد ﷺ

كتابات ماروكو.

_______________________

التفو داير مداير السيارة ...

واحد اسمة مرتضى اسمر طولة وسط ملابسة مدمرة دهن اعتقد يشتغل بالسيارت فيترجي فتح باب الصدر ونزلت امي وخالتي

والولد ابو المحل اجة كبل فتح باب اللبيكم من ورة

صراحة بگنا هوى كلنا حسينا عصابة لو شي يردون يسلبونا ..

بس طلعت هية منقطة شعبية ما مسكونه هواي ينعدون على الاصابع وعايشن مثل الاهل يكيفون واحد جديد يجيهم
جانت فزعة بداعي الفرحة
بس الله يسامحهم هبطونا
خاف احنا عايزين

طلعت ام منتضر صديقة امي ناطية خبر للمختار والسيد وللشباب
جانو نفس المنتضرينا ..

مد ايدة ونزل غفران
غفران تستحي ارتبكت اجت توكع ع وجها حطت رجلها ع الحديدة مال سيارة وجلبت بالولد ابو المحل ونزلت .. 

وراها رفل الي مصدومة صدمة عمرها تباوع بالوجه جانت منتضرة نرجع للبيت جدي !
جلبت ونزلت وهيه صافنة وجها مطعون احمر

اجة يمي مدلي ايدة
كتلة لا لا شكر اني انزل
حجة بضحكة منحرجة وحك راسة من ورة
- خاف توكعين
كتله لا لا وخر
وصدك وخر بسرعة من كدامي

چيتت .. اني كصيرة وعباتي كلها تراب من السيارة
تسحل وراي ما حب البس شال بس عباية

عافني وراح وهوا يضحك بصوت عالي

باوعت عليه ودرت وجهي رحت وكفت يم امي

تجمعن نسوان المنطقة بيدهن علاكات
ويلتمن هيج وكت يرحن للسوك
بالوزات او الفورتات مدري شسمهن

اجني وكفن يم امي وبوسنها وسلمن ع غفران ورفل
صرت ورة امي
اكره البوس ..

وحدة منهن اسمها ام عبير

حلفت امي ندخل جوة بيتها
وصدك تعبانين من الطريق بسرعة دخلنا
جانت طافية الكهرباء حاطين كراسي بالطرمة كعدنا عليها
جابولنا مي بارد
شوية واجتي ثنين بنات سلمن عليه
وحدة بعمري وحدة بكد غفران

حجت امي ويا هاي البنية البكدي لابسة دشادشة وكصيبتها طولية جوة ضهرها
فدوة لله منين هاي الحلوة شسمها
جاوبت امها هاي بنتي عبير

نضغطت ضليت مضيكة عيوني واباوع على امي بحقد ..

امي هم تباوع علية وتضحك نرفزتني حيل