بقايا السماء ✨

٥

{ إِنَّ اللَّهَ وَمَلَائِكَتَهُ يُصلُّونَ عَلَى النَّبِيِّ يَا أَيُّهَا الَّذينَ آمَنُوا صَلُّوا عَلَيْهِ وَسَلِّمُوا تسلِيماً }

اللهم صّلِ وسَلّمْ عَلۓِ نَبِيْنَامُحَمد وآل محمد ﷺ

كتابات ماروكو.

ريم :

نشدت البطانية شوية شوية من فوكي ..

صحيت بوعييي الكامل بس بقيت ع نومتي ..

ضلت تترد  بلساني لا حول ولا قوة الا بالله لا حول ولا قوة الا بالله

حسيت كلشي توقف دمي اليمشي بعروكي والنفس والصوت وكلشي عقلي موجود بس مديستوعب اليصير ..

وصلت البطانية لنهاية رجلية وهيه تنسحب بهدوء
جمعت كل قوتي
كمت اردد بصريخ وصوت عالي بس صوتي ميطلع 

لحد ما حست علية رفل
كامت من فراشها وزحفت على ركبها مرعوبة وخايفة لحد ما وصلت يمي كومتني كمت كعدت بجزي العلوي
كعدت وراي وارتجيت عليها ..
حجت وياي بصوت ناصي
- شبيج !!
رمانة شبيج دتتحلمين لو شنو ششفتي ؟

اشرلها ع رجليه والحجي ميطلع من حلكي

تحركت غفران تعدل مخدتها ندارت علينا وبعيونها النعاس

بس من شافتنا سوة كبل طفرت من فراشها وخرت البطانية منها كامت  وتقربت يمي جرتني عليها وضلت توخر بشعري وتردد اية الكرسي وتنفخ بوجهي

وجان كل الديصير بهدوء حته متكعد امي
بس امي حست بينا وكعدت

امي بدون كلشي اذا نكعدها من النوم تخاف وتخوفنا وياها
مو نوب شافتهن مرعوبات ويفركن بأديه ويقرن ايات ..

فزت كل قوتها
و حجت بصوت مفزوع

يم اسم الله الرحمان وصاحب الزمان شكوووو ؟؟؟ شبيها اختجن ؟؟

شبيجن !!

حجت غفران بصوت ناصي وبتوتر
وهيه توخر كذلتها من وجها ،،

ما.. م اا ..ما ادري رمانة مدري شبيها

جتي علي بسرعة وتوخر بشعري من وجهي وركبتي
شعري ثخين وكاريه وحارة الدنيا عركانة لازك ع ركبتي ووجهي

كامت غفران شغلت الضوة القوي
حجت امي وياها بعصبية

مو كتلج عوفي الضوة الابيض مفتوح !!

جاوبتها  غفران بتمتتت اااا .. مادري نسيت ...

غفران :

نمت واني متأكدة مثل الله واحد  اني عايفتة مفتوح !!
بس شحجي اخوفهن بالزايد وين نولي بهل الليل ..

مو بس هوا كل اضوية اللبيت وتلفوتنا الشحن نفسه بس القران طافي

حاولت اضيع عليهن التفت على رفل
وحجيت وياها بنتر