Kahit latang lata ako, pinagbuksan ko si Seungyoun ng pinto.
"'Wag ka lalapit ha, baka mahawa ka." Sabi ko
"Gusto pa man din kita yakapin." Sabi niya sabay ngiti, "Nagkatotoo na yung palusot mo noon sa Retro. Ayan kasi, 'wag ka kasi magsisinungaling." Sabi niya
Nilapag niya sa may kitchen yung mga dala niyang pagkain. Naupo naman ako sa may counter.
"Parang balewala lang kasi sa'yo yung nangyari sa Jeju. Sa akin big deal 'yon kasi first kiss kita."
"Mukha lang balewala sa akin 'yon pero simula nung araw na 'yon hindi na nawala sa isip ko 'yon. Araw araw kong naaalala." Sabi niya
Gano'n din ang epekto no'n sa kanya?
"Eh sanay ka naman na siguro. Alam ko namang hindi ako first kiss mo."
"Hindi nga pero ikaw naman last ko. Sanay ako noon, pero sabi ko naman sa'yo, iba na ngayon. Hindi na ata ako masasanay pagdating sa'yo. Pakiramdam ko laging first time ko sa lahat ng bagay basta ikaw kasama ko eh. Nakakakilig kaya." Sabi niya habang nakatalikod.
Napangiti ako, ganito pala umamin ang mga lalaki? Ang cute.
"Do'n ka na kumain sa kwarto mo para nakapagpahinga ka." Sabi niya. Tumango ako tas pumunta na sa kwarto ko, nakasunod naman siya.
"Kaya mo ba kumain mag-isa?"
"Kaya naman."
"Do'n ako sa sala niyo ha. Tawagin mo nalang ako kapag may kailangan ka."
"Ha? Bakit do'n ka?"
"Baka biglang dumating parents mo, baka kung ano isipin nila. Ayokong magkaganon kasi malinis intensyon ko sa'yo."
Napangiti ako, "Next week pa sila uuwi tsaka dito ka nalang, samahan mo ako." Sabi ko. Ngumiti naman siya tas tumabi sa akin.
Tahimik lang kaming dalawa pero hindi awkward. Pagkatapos ko kumain, uminom na ako gamot.
"Pahinga ka lang tas maya-maya matulog ka muna."
"Dito ka lang?" Tanong ko
"Oo. Hindi kita iiwan."
—-
Pagkagising ko, medyo okay na pakiramdam ko kumpara kanina.
Pagtingin ko sa gilid ko, andon si Seungyoun
Oops! This image does not follow our content guidelines. To continue publishing, please remove it or upload a different image.
Bakit ang saya gumising nang siya una kong makikita? Bakit ganito? Baka mamihasa ako masyado, Seungyoun.
