စိမ်း

အပိုင်း၁၁

စိမ်းတို့နှစ်ယောက်ထိုင်ကာ လေညှင်းခံနေတာ အတော်ကြာတော့ခန့်ကိုကနေပဲစပြီး " မမ ပြန်ရအောင်လေ ည၈နာရီထိုးတော့မယ်။နောက်ကျနေပြီ"
"စိမ်းလည်း မျက်ခုံးတစ်ချက်တွန့်ကာ "နေစမ်းပါဦး ၈နာရီဆိုတာ အရမ်းနောက်မကျသေးပါဘူး။ ရှင်မှန်မှန်ပြော ကျွန်မကိုအိမ်ပြန်ပို့ပြီးရင် ဘယ်သွားပြီး စော်ရှိုးမလို့လဲ "ဟုပြောလိုက်တော့
"ဘယ်စော်မှလည်းမရှိုးပါဘူး မမရယ်။ ဒီည skate ကွင်းမှာ ကိုရဲလင်းဇော်တို့နဲ့ချိန်းထားလို့ပါမမရယ်။ကျွန်တော်ကမမကလွဲရင် ဘယ်သူ့မှမမြင်တာကိုမမမသိတာလဲမဟုတ်ဘူး။ မမ မသွားစေချင်ရင်ကျနော မသွားတော့ပါဘူး"ဟု မျက်နှာငယ်လေးနဲ့ပြောသည်။
အစက ဒေါ်စိမ်းနေခြည်မင်း က လမင်းခန့်ကိုကို ရစ်ချင်တဲ့စိတ်တစ်ခုထဲနဲ့သာပြောလိုက်တာ  ခုတော့ခန့်ကိုရဲ့စကားကြောင့်အားနာသွားသည်။ ဟုတ်သည်။ ဒီကလေး‌က သူ့နားမှာရွေးချယ်စရာတွေရှိနေရက်နဲ့တောင် ဘယ်သူမှမမြင်ဘဲသူ့အချစ်ကိုရရန်အချိန်အကြာကြီးစောင့်နေခဲ့သူမဟုတ်လား။
"Sorry ခန့်ကို မမဆိုလိုချင်တာအဲ့လိုမဟုတ်ပါဘူး။သွားလို့ရပါတယ် သွားနော်။ခုတော့မမကိုအိမ်ပြန်လိုက်ပို့။ ချစ်တယ်ကို ဟုဆိုကာ ခြေဖျားထောက်ပြီး ခန့်ကို၏ပါးလေးအားနမ်းလိုက်သည်။ ခန့်ကိုကလည်းရင်ခွင်ထဲထည့်ထားကဖတ်ထားလိုက်သည်။

ခန့်ကို စိမ်းကို သူ၏ကားနဲ့အိမ်ပြန်‌လိုက်ပို့ပေးသည်။လိုက်ပို့ပေးပြီး‌ ကားပေါ်ကဆင်းခါနီး စိမ်းက ခန့်ကို၏ ပါးကိုအမြန်နမ်းပြီးပြေးဆင်းသွားသည်။ ခန့်ကိုမှာတော့ပြုံးပြုံးကြီးနှင့်ကျန်ခဲ့သည်။ ထိုမြင်ကွင်းကို အိမ်ပေါ်ထက်၀ရန်တာမှ စိမ်း၏ဖခင်ဦးမင်းသက်ထင် တွေ့လိုက်သည်ကိုတော့စိမ်းရော ခန့်ကိုရောမသိလိုက်ပါ။

စိမ်း အိမ်ထဲရောက်တော့ ဖခင်ဖြစ်သူကလှေကားမှအဆင်းနှင့် ဆုံလေသည်။ ဖခင်ဖြစ်သူက "သမီး စိမ်း အ၀တ်စားလဲရေချိုးပြီးရင် ပါးပါးရဲ့စာကြည့်ခန်းကိုလာခဲ့။ ပြောစရာရှိတယ်။"ဟုပြောလိုက်သည်။ ဧည့်ခန်းထဲတွင် TVထိုင်ကြည့်‌နေသော မိခင်ဖြစ်သူက "အို ရှင်သမီးကိုဘာတွေ‌ပြောမှမလို့စာကြည့်ခန်းထိခေါ်တာလည်း ဒီဧည့်ခန်းထဲပဲ ကျွန်မရှိတဲ့နေရာပြော"
ဦးမင်းသက်ထင်လည်း "မဟုတ်ဘူးလေ မေရာ ကိုယ်ကသမီးနဲ့အလုပ်ကိစ္စ...."
စကားပင်မဆုံးပေ။ ဒေါ်နေခြည်မေ၏မျက်စောင်းနှင့် အတူ "ကိုမင်းသက်ထင် "ဟု‌ခေါ်လိုက်သံကြောင့် ချက်ချင်းပင် "သမီး စိမ်း မြန်မြန်အ၀တ်စားသွားလဲ။ပါးပါးတို့ ဧည့်ခန်းကပဲစောင့်မယ်။ စိမ်းလဲအခန်းထဲသို့အမြန်၀င်ကာ ရေချိူးအ၀တ်စားလဲပြီး ဧည့်ခန်းသို့ဆင်းလာလိုက်သည်။
ဧည့်ခန်းသို့ရောက်သော် စိမ်းကပဲစပြီး" ပါးပါး အမီးကိုဘာပြောစရာရှိလို့လဲဟင်"
ဦးမင်းသက်ထင်က "စိမ်း သမီး။ သမီးဘာတွေလုပ်နေတာလဲ။ "
ဒေါ်နေခြည်မေ မှလည်း "သမီး စိမ်း ဘာဖြစ်တာလဲ‌မားမား စိတ်ပူလာပြီ"
စိမ်းလည်း "ဘာကိုဆိုလိုချင်တာလဲ‌ ပါးပါး"
ဦးမင်းသက်ထင် မှ ဒေါသသံနှင့် "ညည်းနဲ့ moon construction group က MD ယောက်ျားမဟုတ်မိန်းမမဟုတ်တဲ့ကောင်နဲ့အခြေအနေကဘာလဲ ။ ငါတို့အသိုင်းဝိုင်းကို အရှက်မခွဲနဲ့ စိမ်းနေရည်မင်း။ နင်လက်ထက်ရမယ့်လူက စိုင်းမြတ်မင်းပဲ။
"ဟင့်အင်း ပါးပါး။ သမီးသူ့ကိုမယူနိုင်ဘူး။ သမီးချစ်တာခန့်ကို ပဲ။ သူကယောက်ျားလေးတစ်ယောက်မဟုတ်ပေမယ့် သမီးအပေါ် ယောက်ျားလေးတွေထက်နွေးထွေးကြင်နာ သစ္စာရှိပေးနိုင်တယ်။သမီးလက်ထပ်မှာ။ အဲ့အတွက်သမီးကိုအမွေဖြတ်မယ်ဆိုရင်လည်းခံနိုင်တယ်"
ဦးမင်းသက်ထင်မှာ စိမ်းအားပါးရိုက်ရင် လက်ဖြစ်ရွယ်ချိန် ဒေါ်နေခြည်မေမှ ဖြတ်ထားလိုက်ကာ ဦးမင်းသက်ထင်ကို ပါး၂ချပ်ဆင့်ရိုက်လိုက်သည်။
"မေ ..မေ ကိုယ့်ကိုရိုက်တယ်။ဘာလို့လဲမေ။ ကိုယ်ဘာမှားလို့လဲ"
"မှားတယ်။ရှင်သိပ်ကိုမှားတယ်။ ကိုယ့်သားသမီးရဲ့ဖြစ်တည်မှု ကိုလက်မခံပေးနားမလည်ပေးနိုင်တာသိပ်ကိုမှားတယ်။ပြီးတော့ ရှင့်ကိုကျွန်မစိတ်တကယ်ကုန်သွားပြီး။ ရှင်သမီးကို ရှင့်သူငယ်ချင်းသားနဲ့အတင်းအကြပ်လက်ထပ်ပေးတဲ့နေ့ကရှင်နဲ့ကျွန်မကွာရှင်းတဲ့နေ့ပဲ ။"
"သမီး ၊ အိမ်ပေါ်တတ်နားတော့"