ប៉ុន្មានម៉ោងកន្លងផុតទៅថេយ៍នៅតែគេងផ្អែកនឹងទ្រូងនាយដដែលយ៉ាងលង់លក់ តែបានបន្តិចជុងហ្គុកក៏ត្រូវត្រកងកាយគេអោយគេងនៅលើសាឡុងម្ដង ព្រោះនាយត្រូវមានកិច្ចប្រជុំនិងត្រូវធ្វើការជ្រើសរើសលេខាថ្មីនៅពេលបន្តិចទៀតនេះ ។
ថេយ៍បន្តគេងលើសាឡុងតែម្នាក់ឯងក្នុងបន្ទប់ធ្វើការរបស់នាយ ឯជុងហ្គុកវិញក៏ត្រូវអង្គុយចាំសម្ភាសន៍លេខាថ្មីផងដែរ ។
ក្រោយពីកិច្ចសម្ភាសន៍បានបញ្ចប់ទៅ នាយក៏ចូលមកបន្ទប់ធ្វើការវិញ ហើយអ្វីដែលនាយសម្ដៅមុនគេនោះសាឡុងដែលថេយ៍កំពុងតែគេងនេះឯង គេគេងនៅមិនទាន់ភ្ញាក់ទៀត ចង់គេងរហូតដល់ថ្ងៃត្រង់ឬយ៉ាងមិច??? ជុងហ្គុកបោសវាសការគិតចេញបន្តិច មុននឹងលើកបីគេក្នុងរង្វង់ដៃចេញទៅខាងក្រៅឆ្លងកាត់បុគ្គលិកខ្លួនជាច្រើនសម្ដៅទៅចំណតឡាន ដើម្បីនាំគេទៅផ្ទះវិញ អោយគេងទីនេះមិនបានទេ តែបើយកគេទៅគេងនៅឯផ្ទះច្បាស់ជាគេនឹងនៅតែឯងហើយ ផ្ទះធំទូលាយយ៉ាងនេះ មនុស្សគេងក្នុងបន្ទប់តែឯងយ៉ាងនេះ នាយក៏មិនទុក្ខចិត្តដែរ ។
បន្ទាប់ពីគេងលើពូកអស់ជាច្រើនម៉ោងកន្លងផុតទៅ ក្រោយដឹងថាខ្លួនបានមកដល់ផ្ទះវិញថេយ៍ក៏រហ័សក្រោកឡើងរួចចុះមកខាងក្នុងសម្ដៅចូលផ្ទះបាយ ព្រោះគិតថាគេនៅផ្ទះម្នាក់ឯង ហើយមួយវិញទៀតនេះគឺជាវេលាថ្ងៃត្រង់ទៅហើយ គេនៅមិនទាន់បានធ្វើអាហារនៅឡើយទេ ចុះបើជុងហ្គុកមកដល់គិតយ៉ាងមិចទៅ??? គេមិចនឹងអាចខកធ្វើអាហារដោយសារតែគេងបាននោះ??
ចូលមកដល់ក៏ឃើញជុងហ្គុកនៅក្នុងនោះល្មម វាពិតជាគួរអោយភ្ញាក់ផ្អើលណាស់!!! អាហារឡើងពេញតុសុទ្ធតែស្នាដៃនាយធ្វើទាំងអស់ ហើយមិនបាច់ឆ្ងល់ទេថាគេអាចចេះធ្វើអាហារទាំងអស់នោះ នោះក៏ដោយសារតែមិត្តសម្លាញ់ឡេវីលរបស់គេនេះ មានចំណូលចិត្តខាងបែបនេះ សូម្បីតែធ្វើនំក៏នាយចេះមកពីគេបន្តិចបន្តួចដែរ ។
« បងប្រុស » ថេយ៍ដើរមកជិតទាំងញញឹមមិនសូវសម ជុងហ្គុកដែលកំពុងតែដាក់ខ្លួនបង្គុយនៅតុអាហារគ្រាន់តែឮគេហៅសព្វនាមនាយជាបងប្រុសភ្លាម គេក៏ជ្រួញចិញ្ចើមមិនពេញចិត្ត ក្រែងការហើយមិនចឹង នៅហៅគេបងប្រុសទៀតឬ???
YOU ARE READING
សំណងស្នេហ៍ ( ចប់ )
Romance_ត្រឹមជាកូនក្មេងមិនដឹងអី ចូលចិត្តលេងសើច តែត្រូវធ្លាក់ក្នុងគុំនុំសងសឹក ការស្អប់ខ្ពើម ក្នុងក្រសែភ្នែកគេទៅវិញ _ស្រឡាញ់ប្រែជាស្អប់ «ថេយ៍ថេយ៍អោយគុកគីណា..» _ការវិលត្រឡប់មកវិញរបស់គេ ធ្វើអោយអតីតកាលដែលកប់ជ្រៅក្នុងចិត្តផ្ទុះឡើងម្តងទៀត #ហេតុអីទុកគេចោល #ដរាប...
