When I was eight years old, our school conducted a test to see which of its students were gifted. I was one of the three who were given that label.
Kaya naman gan'un na lang ang sigasig n'un ng mga magulang kong i-enrol ako sa isang eskwelahan kung saan mahahasa raw 'yung kakaiba kong talino – a move that I couldn't bring myself to appreciate back then kasi alam kong salat kami sa pera.
At para sa isang teenager, parang katapusan na ng mundo kapag nakikita n'ya ang pangalan n'ya na nakalista sa harap ng opisina ng principal tuwing exam dahil hindi pa bayad ang tuition n'ya.
Gusto ko nga pong sa public na lang ako mag-aral, Daddy! Bakit pinipilit n'yo akong mag-private, eh, hindi naman kayo nakakabayad ng tuition!
Redley...h'wag mong pagtaasan ng boses si Daddy—
Ate, kasi nakakainis na, eh! Sa public school ka naman nagtapos, ah, may nangyari ba sa'yo? 'Di ba wala naman? Hindi ko maintindihan 'yung sinasabi ni Daddy na gusto n'ya akong ilayo sa masasamang impluwensya kaya pinag-pa-private n'ya ako!
Kasi matigas ang ulo mo! Hindi ka katulad ng Ate mo na matino! Puro ka barkada, puro ka lakwatsa, hindi ka marunong makinig! Kita mo 'yung mga grades mo, lahat naghihingalo!
Dad, tama na po. Ako na po ang kakausap kay Redley, Dad.
Pagsabihan mo 'yang kapatid mo, Guia, dahil inuubos ng batang 'yan ang pasensya ko!
Opo, Dad, ako na po ang bahala. Sunduin n'yo na po si Mommy at si Lola, ako na po ang bahala rito.
Sige, alis na ako. Ikandado n'yo ang pinto.
Opo. Mag-ingat po kayo, Dad.
Bakit kasalanan ko na naman, Ate?! Bakit gan'yan 'yan si Daddy?! Parati na lang n'yang pinapalabas na kasalanan ko!
Shh...ano ka ba, h'wag ka ngang nagtataas ng boses. Bakit ba ang hilig mong sumigaw na bata ka, ha?
Kasi naiinis na ako, eh! Inis na inis na ako! Si Daddy kasi napakawalang kuwenta—
Redley! H'wag na h'wag mong binabastos si Daddy! Magagalit na talaga ako sa'yo!
Sorry, Ate...
H'wag ka sa akin humingi ng sorry kundi kay Daddy. Ano ka bang bata ka, saan ka ba natuto n'yan? Hindi ka naman gan'yan dati. Ano bang nangyayari sa'yo?
Hindi n'yo kasi ako naiintindihan—
Aber, paano ka naman maiintindihan kung wala ka nang alam gawin kundi ang sumigaw? Bakit ka ba galit? Ano bang problema?
Sino namang hindi magagalit, Ate? Ipinatawag na naman ako ni Mrs. Briones doon sa opisina n'ya kanina!
Bakit?
Kasi hindi pa raw bayad 'yung tuition ko at malapit na naman daw ang exams! Napapahiya na ako dahil lang gusto nina Mommy at Daddy na magkaroon ng anak na makakapagtapos sa isang private school—
'Yun ba ang tingin mo d'un? Na gusto lang ng mga magulang natin na mapuri ng ibang tao kaya ka nila pinag-aaral sa isang private school? Na kaya tinitiis ni Daddy ang maglako ng mga silya at furniture na gawa n'ya mabayaran lang 'yung tuition mo ay dahil gusto n'ya lang magpabida?
Hindi ko naman sinabing gawin n'ya 'yun, ah!
H'wag mo akong tataasan ng boses, Redley. Oo, hindi mo sinabi pero ginagawa n'ya pa rin kasi gusto n'yang mapabuti ka. Matalino ka, eh, ayaw nilang masayang 'yang talino mo.
