Everything I Want [BOOK 1]

Chapter 11

ISABELA

"Ark!" I exclaimed the moment he answered my phone call. "I'm so sorry, ngayon lang ako nakabalik ng bahay."

"Ayos lang," he said on the other line. "Hindi ka pa naman gano'n katagal. Tapos na 'yung meeting mo?"

"Yes. Medyo na-late lang kasi nag-finalize pa ng details 'yung mga wedding coordinators. Nakakainis nga, pero okay na ngayon. I'll just get my stuff tapos magkita na tayo. Is it okay kung sunduin mo 'ko dito sa bahay?"

"O, akala ko tatakas ka? Hindi na?"

"Hindi na. Magsasabi na lang ako nang maayos sa mga bodyguards ko."

"Okay lang ba 'yon?"

"Yes. H'wag kang mag-alala, just trust me."

"Sige. Papunta na 'ko diyan. Malapit naman na sa inyo 'tong pinagtatambayan ko."

"Okay! See you in a few minutes." Binaba ko na ang tawag at dumiretso na sa kama ko para i-handa ang mga gamit na inayos ko na kagabi pa.

Arkhe will bring me to his hideout today. Excited nga ako. Mago-overnight kami ro'n para raw mas sulit ang punta namin. That's fine with me kasi komportable naman na 'kong kasama siya. At hindi rin naman ito ang unang beses na makakasama ko siya nang buong magdamag. Nagawa na namin 'yon no'ng sinama niya 'ko dati sa gig niya sa La Union.

As originally planned, dapat kaninang umaga pa kami magkikita, kaso naalala kong may naka-set nga pala akong meeting sa wedding coordinators ko this afternoon. Nakakainis kasi nawala 'yon sa isip ko, sira tuloy ang plano namin ni Ark. One of my coordinators said I need to finalize my wedding details today. Hindi ko na magawang magpalusot kasi baka malaman na naman ni Amanda.

Buti na lang talaga sobrang understanding ni Arkhe. Okay lang sa kanya na ngayong hapon na lang kami umalis. He's always very chill, ako lang talaga 'tong frustrated kanina pa.

Hindi nga ako nakapag-concentrate sa meeting. Mas iniisip ko 'yung pagpunta namin sa hideout. Kaya tuloy lalong tumagal ang meeting e — nahirapan akong mag-decide ng mga designs para sa reception venue dahil wala roon ang full attention ko. Gustong-gusto ko nang makauwi.

It's 3PM now at nagmamadali na ako sa pagbibihis.

I chose to wear a long pleated skirt and a slightly loose top. Sabi ni Ark, malamig daw ro'n sa hideout so I guess this clothing is just perfect. Nakakatawa, I don't usually care about my outfits, pero pagdating kay Arkhe, parang gusto ko palagi akong presentable.

Tiningnan ko ang sarili ko sa salamin pagkatapos. Hope he likes what I'm wearing. I fixed my long and wavy hair next, then I finally grabbed my leather duffle bag from the bed and went out the bedroom door.

Naabutan ko dito sa labas ang isa sa mga bodyguards ko. Dala na niya 'yong mga painting materials na pinakuha ko sa kanya galing sa art room.

"Idi-diretso ko na ho ba ito sa kotse?" tanong niya sa 'kin.

"Uhm, not in our car. May susundo sa 'kin. Do'n mo na lang ilagay ang mga 'yan sa kotse niya."

"Sige ho."

Pababa na 'ko ng hagdan ngayon nang bigla namang mag-ring ang phone na hawak ko. Akala ko si Arkhe, ang kapatid ko palang si Amanda. Nagvi-video call.

Bumuntong hininga ako. Alam ko na kung bakit 'to tumatawag, eh. It's either makikibalita siya about the wedding preps o kikwestyonin niya na naman ako tungkol do'n sa nangyari no'ng nakaraang araw. Nakarating kasi sa kanya na tumakas ako sa mga bodyguards ko. Hindi pa 'ko nakakapag-paliwanag, at wala naman akong balak.