Legends of Olympus (On Hold)

Gifted

Amber's POV

Kinatok ko ang pinto ng kwarto ni Ash.

Binuksan niya ito, at agad kong inilahad sa kanya ang puting box na nasa kamay ko.

"Sabay tayong buksan 'to?" aya ko.

Matagal-tagal niyang tinitigan ang kahon bago tumabi para papasukin ako.

Dumiretso ako sa carpet na nasa paanan ng higaan niya at umupo rito. Ibinaba ko rin sa harapan ko yung box at hinintay si kambal na umupo rin sa tapat ko.

Inilibot ko ang aking paningin sa kwarto niyang katulad ng sa'kin, ay napuno sa figurines at mayroon din siyang iilang posters ng Power Rangers.

Ang pinagkaiba lang namin ay hindi umabot ang mga mukha ng rangers sa higaan niya dahil white lang lahat ito, mula sa mga unan at makapal na comforter niya.

Pagkatapos, nilingon ko ang puting lounge chair niya kung saan nakapatong ang isang hugis-heart, at fluffy pillow na may nakatahing letrang 'H' sa gitna. Sa paanan ng upuan ay mayroon ding nakasandal na malaking pink na teddy bear.

Malungkot akong napangiti rito.

"What's that?" tanong ni Ash.

Mabilis kong binaling ang aking atensyon sa kanya. "Huwag kang maiyak. Hehe."

Walang ipinagbago ang ekspresyon niya.

"Sa loob nito ay ang latest collaboration ng kompanya ni Shorato Ishinomori," nangingilig kong bulong. "Isang figurine ng original ranger na one hundred percent gawa sa pink sapphire at yung mga mata, diamonds."

"You emptied your bank account for that, didn't you?"

Bago pa siya madismaya sa pinanggawa ko, umiling ako.

"Hindi," sagot ko. "Binenta 'to sa'kin na discounted!"

"How much?" usisa niya.

"Secret." Kinisap-kisapan ko siya. "Basta hindi siya gaanong mahal. Sakto lang-" Napatigil ako. "Hindi. Sobrang mura pa nga."

"Tinawagan kasi ako at ang sabi pwede ko raw ma-customize, kaya ang sabi ko..." Nagpigil ako ng nananabik na ngiti.

"What?" natatawa niyang sambit.

Tinulak ko sa kanya ang puting kahon.

"Bilis," sabi ko. "Buksan mo."

Napabuntong-hininga si Ash, at napailing bago buksan ito.

Maingat niyang kinuha ang kumikinang na pink figurine mula sa padding na pinagpatungan nito.

"It's..." Sinuri-suri niya ang figurine sa kamay niya. "It's real."

Sumilip ako sa likuran ng ulo nito. "Sa likod ng helmet."

Inilapit ni Ash ang figurine sa kanyang mukha at pinaningkitan ang likuran ng helmet nito.

Unti-unting namuo ang isang ngiti sa kanyang labi, hanggang sa mahina siyang natawa.

"You carved the date of when I asked Hedone to be my girlfriend?" Inilipat niya ang kanyang tingin sa'kin. "Really?"

"Advanced gift ko para sa anniversary niyo," anunsyo ko. "Pink sapphire at diamonds na gusto ni Hedone, at ranger na gusto mo."

"Pero sa kwarto ko muna 'yan," saad ko rin. "Sa ngayon."

Kumunot ang kanyang noo. "Why?"

"Ibibigay ko lang 'yan ng libre kapag nagawa na nating iligtas ang reregaluhan ko rin n'yan," sagot ko at nginitian si Ash. "Hmm?"