ကျန့်ကျန့်က ကလေးသာသာဖြစ်ပေမယ့် မှုန်သုန်နေတဲ့မျက်နှာထားနဲ့ တွန့်ကျိုးနေတဲ့မျက်ခုံးအစုံကြောင့် ဘယ်သူကမှ မလေးမစားမလုပ်ရဲကြပေ။
" စစ်သူကြီးရှောင်း ဆဲ့လူးတွေကို တိုက်ဖို့အတွက် အကြမ်းဆွဲထားတဲ့ဗျူဟာပါ''
ရွက်ဖျင်တဲထဲကိုဝင်လာတဲ့ တပ်မှုးက ကျန့်ကျန့်ရဲ့မလှမ်းမကမ်းကနေ တရိုတသေနဲ့ ဗျူဟာအကြမ်းဖျင်းစာလိပ်ကိုပေးလာခဲ့လေတယ်။
ကျန့်ကျန့်က ရင်ထဲမှာ ဝမ်းနည်းစွာအော်ဟစ်ငိုကျွေးနေပြီဖြစ်သော်လည်း အပြင်မှာတော့ သုန်မှုန်ထားဆဲသာ။
" ဘာဗျူဟာမှမကြည့်ချင်ဘူး ၊ ကျွန်တော်ပြင်ဆင်ထားတဲ့နည်းလမ်းကို ပြောပြမယ်၊ ဒုတပ်မှုးနဲ့လက်ထောက်ငါးဦးကို ဆင့်ခေါ်လိုက်ပါ တပ်မှုး''
" ဟုတ်ကဲ့''
ထွက်သွားတဲ့တပ်မှုးကိုကြည့်ပြီး ကျန့်ကျန့်ကသက်ပြင်းချတယ်။
ကျန့်ကျန့်က ကိုယ့်နာမည်တောင်မရေးတတ်တဲ့သူ။
ကျန့်ကျန့်ကစာမတတ်ဘူး။
ဒါပေမယ့် ကျန့်ကျန့်က သိမ်ငယ်မှုကိုမခံစားရပါဘူး။
ကျန့်ကျန့်က စာကလွဲရင်အကုန်လုံးတော်တယ်လေ။
တပ်မှုးချန်းက စစ်သူကြီးခိုင်းတဲ့အတိုင်း ကျန်တဲ့အရေးပါသူများကို သွားရောက် ဆင့်ခေါ်ပြီး ရွက်ဖျင်တဲဆီပြန်လာခဲ့လိုက်တယ်။
" စစ်သူကြီး ကျွန်တော်တို့ ဆွေးနွေးကြရအောင်၊ စစ်သူကြီးရဲ့နည်းလမ်းကို ကျွန်တော်တို့သိပါရစေ''
ကျန့်ကျန့်က တပ်မှုးချန်းကို ခေါင်းညိတ်ပြပြီး စဉ်းစားထားတဲ့နည်းလမ်းကို အကြမ်းဖျင်းရှင်းပြလိုက်တော့တယ်။
" ဒီလို..''
.......
တောင်သခင်ကျန်းဟိုင်လျန့် ချယ်ရီပင်အောက်မှာ စာဖတ်နေတဲ့ တပည့်ဖြစ်သူကို အတန်ငယ်ကြာအောင် ငေးကြည့်နေမိတယ်။
တပည့်လေးက မင်ဟွားဆိုတဲ့လစန္ဒာဇာတာနဲ့မွေးလာတဲ့ကောင်လေးကို မေတ္တာသက်ဝင်နေပြီလားလို့ တွေးမိပြန်တော့ ရင်ထဲမှာပူလောင်သွားရတယ်။
ESTÁ A LER
The Beautiful Warrior(美丽的战士)Completed
RomanceOriginal Name: 美丽的战士(The Beautiful Warrior) Original Author: SpicyRoastDuck Start date - December 1.2023(Friday) Ending date- Mar 11.2024(Monday)