ကျန့်ကျန့်ရဲ့အနောက်ကနေလိုက်လာတဲ့ ဒီကောင်လေးက စကားတွေတောက်လျှောက်ပြောလာတာဖြစ်တယ်။ ကျန့်ကျန့်မှာ နားမငြီးဘဲ ဒီကောင်လေးစကားတွေကို နားထောင်ရင်းပြုံးရယ်နေမိတာ ကိုယ့်ကိုယ်ကိုယ်တောင်သတိမထားမိတဲ့အထိပါပဲ။
"ကိုကို"
"ဟင်"
ကျန့်ကျန့်က မျက်လုံးလေးပင့်ကာ တစ်ဖက်လူကိုကြည့်လိုက်တော့ ပြုံးယောင်သမ်းနေတဲ့မျက်ဝန်းကျဉ်းလေးတွေကို တွေ့လိုက်ရတယ်။ ပိရိသေသပ်လှတဲ့နူတ်ခမ်းတွေက ခပ်တွန့်တွန့်လှုပ်ခတ်သွားတာမို့ ကျန့်ကျန့်ကမျက်မှောင့်ကျုံ့မိတယ်။
"ဘာရယ်တာလဲ "
" ကျွန်တော်မရယ်မိပါဘူး ကိုကို "
ကျန့်ကျန့်က လက်ထဲက ဓားကိုဓားအိမ်ထဲကဆွဲထုတ်ပြီး ကောင်လေးကို ခပ်စူးစူးစိုက်ကြည့်ပစ်လိုက်တဲ့အခါ ကောင်လေးက လက်နှစ်ဖက်ကိုယှက်ပြီး တောင်းပန်တဲ့အမူအရာလုပ်ပြလာတယ်။
ကျန့်ကျန့်က ဂရုမစိုက်စွာဘဲ ဟွန့်ခနဲ နှာမှုတ်ပြီး ကျောမှာလွယ်ထားတဲ့မြားတွေထဲက သုံးချောင်းလောက်ဆွဲပြီး လေးကိုချိန်ရွယ်လိုက်တော့ ကောင်လေးက တံတွေးမြိုချလိုက်တာကို ကျန့်ကျန့်က သိသိသာသာမြင်လိုက်ရပါတယ်။
"ကိုကို "
" ......."
ကျန့်ကျန့်က လေးကြိုးကိုတင်းနေအောင်ဆွဲပြီး ကောင်လေးကို မြားသုံးချောင်းနဲ့ပစ်ခွင်းဖို့ချိန်ရွယ်ထားတာဖြစ်ပြီး မျက်နှာလေးမှာ လှောင်ရယ်တဲ့အမူအရာအပြည့်။
နူတ်ခမ်းထောင့်လေးတွန့်ကွေးနေတဲ့ လုပ်ယူထားတဲ့အပြုံးတစ်ခုက အနက်ရောင်ပုဝါအောက်မှာအထင်းသား။
ဝှစ်!!!
ပစ်ခွင်းသွားတဲ့မြားက အနောက်ဆီကိုဦးတည်နေတာမို့ ရိပေါ်လှည့်ကြည့်လိုက်တော့ လဲကျနေတဲ့ သမင်တစ်ကောင်။
ရိပေါ်က တစ်ဖက်သတ်ကြီးကြောက်လန့်နေမိခဲ့တာမို့ အနည်းငယ်တော့ရှက်ရွံ့သွားခဲ့မိတယ်။
"မင်းက အသည်းငယ်လိုက်တာနော် "
ခနိုးခနဲ့ရယ်သွေးသွမ်းကာဆိုလာသူ။
မျက်နှာတစ်ဝက်ဖုံးကွယ်ထားတဲ့ပုဝါကို ဆတ်ခနဲဆွဲခွာလိုက်တဲ့အခါ ဆင်းဖြောင့်သွယ်တန်းနေတဲ့နှာတံထင်းထင်းလေးနဲ့ ခပ်တွန့်တွန့်ပြုံးနေတဲ့နူတ်ခမ်းပါးလေးဟာ စွဲမက်ဖွယ်အတိ။
YOU ARE READING
The Beautiful Warrior（美丽的战士）Completed
RomanceOriginal Name: 美丽的战士(The Beautiful Warrior) Original Author: SpicyRoastDuck Start date - December 1.2023(Friday) Ending date- Mar 11.2024(Monday)
