ထူးဆန်းတဲ့ဖွားဖွားလုရင်ကျုံသည် ကျင့်ရှန်အားကြည့်ရင်း ထင်မိသည်။
ဘာ မန္တန်များသုံးမလဲ။ဖောက်ခွဲမန္တန် ? လေမန္တန်? ဝိညာဉ်ဆင့်ခေါ်တဲ့ မန္တန်?.......ရှိရှိသမျှသော မန္တန်စက္ကူတို့က သူ့စိတ်ထဲ ပေါ်လာ၏။
ထို့နောက် ကျင့်ရှန်သည် ရုတ်တရက် အသက်ပြင်းရှူ၍ တံခါးဆွဲဖွင့်လိုက်လေသည်!
လုရင်ကျုံ : ???
နဖူးပင်ထောက်မိရသည်။ဒီလောက်တုံးအပြီး ဇွတ်တရွတ်ဆန်တဲ့နည်း ၊ သူဘာမှတောင်မပြောချင်တော့ဘူး။
တံခါးအပြင်ဘက်တွင် ဟာလာဟင်းလင်း၊ ကျင့်ရှန်က ဈေးဝယ်ထွက်သလို ဘယ်ညာတောင်မြောင် တစ်ပတ်ကြည့်ရင်း နှမြောဟန်ဖြင့် :
"ပြေးသွားတာကလည်း ဘယ်လိုတောင် မြန်လိုက်သလဲကွာ"သူခေါင်းပြန်လှည့်လိုက်သောအခါ လုရင်ကျုံ၏ မျက်နှာအမူအယာက တစ်ခုခုမဟုတ်နေမှန်း တွေ့သွားပြီး မေးလိုက်သည်။
"ဘာဖြစ်လို့လဲ?လန့်သွားတာလား?""........မဟုတ်ဘူး"
လုရင်ကျုံ မျက်ခုံးရိုးအား ဖိနှိလိုက်၏။
"နောက်တစ်ခေါက်ဆိုရင်လေ ငါ့ကိုစောင့်ပြီးမှ အတူလုပ်ရအောင်"ညံ့တာထက် သုံးစားမရတာပိုဆိုးတယ်။သူတကယ်ကြီး ကျင့်ရှန်ကို ဘာမှမခိုင်းလိုက်ရပဲ ရုတ်တရက်ကြီး သေသွားမှာ တကယ်စိုးမိရဲ့။
ကျင့်ရှန်လည်း သူအမှားလုပ်မိသွားကြောင်း ရုတ်တရက် ခံစားလိုက်ရသည်။
သေချာပါတယ် မနေ့ညက အဲ့ဒီအပနှင်တတ်တဲ့ တစ္ဆေ ကဒီလိုပြောတာ :
"ကျွန်တော် အပနှင်လာတဲ့ သက်တမ်းတစ်လျှောက် အကုန်လုံးက အရှိန်အဝါကို အားကိုးလာတာ။ အကြောတင်းတင်းနဲ့သာရင်ဆိုင်လိုက် သရဲက သူ့အလိုလို ကြောက်သွားလိမ့်မယ်"ကျင့်ရှန်က သိချင်စိတ်နှင့် :
"အရှိန်အဝါကိုပဲ အားကိုးပြီး အပနှင်တယ်? မန္တန်စက္ကူတွေ ဘာတွေမရှိဘူး?""ဟုတ်တယ်"
"ဒါဆို မင်းဘယ်လိုသေသွားတာလဲ?"
"သရဲကိုက်လို့ သေသွားတာ"
ကျင့်ရှန် : "........"
YOU ARE READING
After Marrying the Lord of the Underworld [Myanmar Translation]
Fantasyလုရင်ကျုံတွင် ငယ်ငယ်ကတည်းနှင့် ထူးခြားသည့် ကိုယ်ခန္ဓာရှိကာ ကံဆိုးမှုအား ခါးစည်းခံခဲ့ရ၏။ပယောဂဆရာကြီးတစ်ယောက်၏ ညွှန်ကြားမှုအောက်တွင် လုရင်ကျုံတစ်ယောက် တစ္ဆေတစ်ကောင်အား လက်ထပ်လိုက်ရတော့သည်။ ထိုဆရာကြီး၏ မူလစကားများ : " ငါမင့်ကိုတစ္ဆေမချောချောလေးရှာပေးမ...