💛 Players ( Part - 5 ) 💛
▫▫▫▫▫▫▫▫▫▫▫▫▫▫▫▫▫▫▫▫▫▫▫ကျောင်းတက်ခဲ့စဥ်က ပေါင်းခဲ့သော သူငယ်ချင်းတစ်ယောက်၏မင်္ဂလာပွဲမှာ သတို့သမီးအရံလုပ်ပေးရမှာမို့ သွေးသည် စွမ်းHotelမှာ စောစောရောက်နှင့်နေသည်။
ပြင်စရာရှိတာပြင်ဆင်ပြီး အရံဝတ်စုံကိုဝတ်လိုက်တော့ ကိုယ်ဟာ သိပ်လှသည့်ပုံရိပ်လေးတစ်ခု ဖြစ်သွားပြီမို့ မှန်ကိုကြည့်ရင်း ကျေနပ်သွားမိ၏။"သွေးရေ ပွဲစတော့မယ်နော်"
"လာပြီ"
အဆုံးသတ်နှုတ်ခမ်းနီလေးဆိုးကာ အခန်းအပြင်သို့ ခပ်သွက်သွက်ထွက်လာခဲ့တော့ သွေးနဲ့ဆင်တူ အရံဝတ်စုံဝတ်ထားသည့် စည်း။
စည်းက သွေးကို အမှတ်တမဲ့မြင်လိုက်ပေမယ့် ချက်ချင်းအကြည့်မလွှဲနိုင်သလို တမေ့တမောငေးနေကာ သူ့အကြည့်တွေဟာ ရွှန်းလက်ရီဝေနေ၏။
စည်းအကြည့်တွေကို သိပ်သဘောမကျပေမယ့် ကိုယ့်အလှမှာနစ်မြောသွားရသည်မို့ ဂုဏ်ယူဝင့်ကြွားစွာ ပြုံးလိုက်မိသည်။"စည်း ရှင်မျက်တောင်ခတ်ဖို့ မေ့နေသလား"
"ဆောရီး"
သွေးပြောလိုက်မှ အားတုံ့အားနာသွားဟန်ဖြင့် လည်ပင်းကိုပွတ်ကာ စည်း မျက်နှာလွှဲသွား၏။
သွေးပြုံးပြုံးလေးနေလိုက်ကာ သူဝတ်ထားသည်ကို သတိထားကြည့်တော့ စည်းကလည်း ဒါကိုသတိထားမိသွားဟန်ဖြင့်..."သတို့သားအရံလေ"
"Aww သွေးလည်း သတို့သမီးအရံလေ ပွဲစတော့မယ်တဲ့ သွားရအောင်"
"အင်း သွားမယ်လေ"
နှစ်ယောက်သား စကားထပ်မပြောဖြစ်တော့ဘဲ ခန်းမဘက်ကိုထွက်လာခဲ့တော့ ခန်းမရှေ့မှာပဲ သတို့သား၊သတို့သမီးနှင့်တွေ့၏။
ပွဲစဖို့နည်းနည်းလိုသေး၍ သတို့သား၊ သတို့သမီးကို အခမ်းအနားမှူးက သေချာစွာမှာကြားနေချိန် နောက်ထပ်သတို့သမီးအရံဖြစ်သည့် သွေးရဲ့သူငယ်ချင်းက သွေးကို တိုးတိုးကပ်ပြောလာသည်။"နင်အရမ်းအ,တာပဲ သွေးရယ် မင်းစည်းစိမ်နဲ့ ဘုန်းတန်ခိုးမှာ ဘုန်းတန်ခိုးကိုရွေးသွားတာကိုလေ"
"ဘာဖြစ်လို့လဲ"
"စည်းတို့မိသားစုက အရမ်းချမ်းသာတာ အစုတ်ပလုတ်မရဲ့ Min Groupလေ မောင်နှမနှစ်ယောက်ပဲရှိတာကိုမှ စည်းကအငယ်"
YOU ARE READING
Players
Romance"Real lifeမှာ စကေးကြမ်းလွန်းတဲ့ စနိုက်ကြော်ဆိုတာမရှိဘူး ပျော်ဝင်သွားတဲ့ယောကျာ်းဆိုတာပဲရှိတယ်" "ခေါင်းလေးပဲညိတ်ပေး Bae မင်းငြီးငွေ့ရလောက်အောင်အထိ ငါချစ်ပေးမယ် မင်းငါ့ဘဝထဲဝင်ရဲပြီဆိုတာနဲ့ ဒီလူကမင်းရဲ့အပိုင်ပဲ" "လိုတရမီးခွက်စောင့်ကြီးတော့မဟုတ်ပေမယ့် ဒီ...