𝑲𝒊𝒎'𝒔 𝑱𝒆𝒐𝒏//𝑪𝒐𝒎𝒑𝒍𝒆𝒕𝒆//

Part 2

Unicode

တစ်နေ့၊တစ်နေ့ရုံးအလုပ်တွေနဲ့ပဲအချိန်ကုန်နေရသောသူ။ငွေကသာအရာရာဟုသင်ပေးသွားသောလူနှစ်ယောက်ကြောင့်ငွေကိုသာကျုံးရုံးရှာမိသည်။ပင်ပန်းလို့အိမ်ပြန်တဲ့အခါတီတီတာတာပြောမယ့်သား၊သမီးမရှိသလို အိမ်ထောင်ဘက်ဆိုတာလည်းသူမှာမရှိ။
ရေလာအောင်မြောင်းလာဖောက်သောမိန်းကလေးမှန်းသမျှကိုသူ့ဘက်ကပဲစ၍ရေမစီးနိုင်အောင်ပိတ်ဆို့ထား၍တော်ရုံလူကအနားမကပ်ရဲကြ။

ရှည်လျားကာဖြောင့်စင်းနေသောမျက်တောင်တို့ဖြင့်ဝန်းရံထားသောမျက်လုံးညိုကကြည့်မိသူတိုင်းကိုညို့ယူဖမ်းစားနိုင်သည့်ဟန်။ဒါပေမယ့်ထိုလှပသောမျက်ဝန်းဝန်းညိုညိုကဒေါသထွက်ချိန်ဆိုစူးရှကာမာန်အပြည့်တည်ရှိနေသည်။
ဖြောင့်စင်းနေသောနှာတံပေါ်ပေါ်လေးကမထင်ရှားသောမှဲ့အနက်လေးဖြင့်အဆုံးသတ်၏။ကကြီးပုံသဏ္ဌာန်နှုတ်ခမ်းလေးက အသောက်အစားကင်း၍နှင်းဆီရောင်နီထွေးထွေးဖြင့်တင်းတင်းစိထားသည်။အားလုံးကိုခြုံကြည့်လိုက်လျှင်၆ပေမပြည့်တစ်ပြည့်အရပ်ကြီးနှင့်အသားညိုညိုလေးကထိုတည်တင်းနေသောမျက်နှာနှင့်လိုက်ဖက်စွာတည်ရှိနေသည်။

ထိုကဲ့သို့အရာရာပြည့်စုံသောယောက်ျားပျိုကလှုမှုရေးတော့အတော်ညံံ့ဖျင်းသည်။ထို့ကြောင့်သူ့အနားဆိုဘယ်မိန်းမပျိုမှမကပ်ရဲသဖြင့် အိမ်ထောင်မရှိသောလူပျိုကြီးအနေဖြင့်တည်ရှိနေသည်။
ကိုယ်ပိုင်တည်ဆောက်ထားသောမိသားစုမရှိသောကြောင့် မိဘနှင့်နွေးထွေးစွာနေရသောသူတစ်ယောက်လည်းမဟုတ်ပေ။

ထိုသူသည်မိဘဆိုတာဘာမှန်းတောင်မသိ။မွေးကင်းစအရွယ်ကထဲကနို့ထိန်းလက်ထဲမှာပဲ ကြီးပြင်းခဲ့ရသောသူ့ကိုစည်းစိမ်တွေအများကြီးပိုင်တဲ့အဖိုးကချစ်ခင်ပါရဲ့။လူငယ်သဘာဝမှားယွင်းခြင်းကြောင့်လူ့လောကထဲရောက်ရှိလာသောသူ့ကို အဖေဟူသောနာမ်စားရှိတဲ့လူကမချစ်သလို၊အမေဟုခေါ်တွင်ရမည့်အမျိုးသမီးကလည်း အနည်းငယ်တောင်ဂရုမစိုက်ချေ။အရွယ်ရောက်လာတဲ့အချိန်ကျတော့ အချစ်ကိုတွေ့ရှိသွားသောမိဘဟုမခေါ်ထိုက်သောမိဘနှစ်ပါး၏စွန့်ပစ်ခြင်းကိုသာခံလိုက်ရသည်။