အရွယ်လွန် အချစ်💓
Old Love ep-2
“ဒါ့ကြောင့် ကျုပ်ပြောတယ်… ကျုပ်သမီးကို ညအိပ်ညနေ ဘယ်သူ့အိမ်မှမလွှတ်ပါနဲ့ အတန်တန် မှာတယ်..
မှာတဲ့ကြားက မအေဖြစ်တဲ့ ခင်များကိုက စိတ်ပြေလက်ပျောက် တရားစခန်း၀င်ခိုင်းတာလိုလို ကိုယ့်ဆွေကိုယ့်မျိုးတွေဆီ အလည် သွားခိုင်းတာလိုလို နဲ့ .. ကဲ အခုကြည့် ခင်များ ဘာတတ်နိုင်သေးသလဲ ..”
“ဟုတ်ပါတော် … ဟုတ်ပါ့ .. အသက် လေးဆယ်အရွယ်သမီးလင်ရတာ ကျွန်မအပြစ် .. ကျွန်မကိုယ်က အဆုံးအမ မတတ်လို့ ဒီအသက်အရွယ်ရောက်မှ လင်ရတာ …ကျေနပ်ပါ့လား ကိုခင် “
အပျိုကြီးမခင်မျိုး ခိုးရာလိုက်ပြေး သွားသည့် သတင်းကြားကတည်းက
ဒေါ်ကြည်စိန် နှင့် ဦးခင်တို့ ဇနီးမောင်နှံ တစ်ယောက်တစ်ခွန်း စကားများနေကြသည်မှာ တိုး တစ်ခါ ကျယ် တစ်လှည့် ညနေစောင်းကနေ အခုည သန်းခေါင်ထိပင်..
သူတို့လင်မယားနည်းတူ သားမကြားရအောင် ကြိတ်ကြိတ် ကြိတ်ကြိတ်နှင့် ငြင်းနေသည့် စုံတွဲလည်းရှိသေး၏..
“အသဲ .. ဦးလေး လုပ်ပုံကြီးက မမိုက်ဘူးကွာ … ကိုယ့်တူမ ယောင်္ကျားရဲ့အစ်မအရင်းမှန်းသိရက်နဲ့ … တောက် …
ဒါ တမင်သက်သက် ကလိမ်ကကျစ်ကျပြီ ဦးလေးက မမကိုခိုးပြေးသွားတာပဲ ဖြစ်ရမယ် …”
တဗျစ်တောက်တောက် တောက်တစ်ခေါက်ခေါက်နဲ့ သဲ ဦးလေးအရင်းကြီးကို သဲရှေ့လာပြီ အပြစ်တင်နေတာကိုတော့သဲ သည်းမခံနိုင်ပါ …
သဲ ဦးလေးက မှန်သည် မှားသည် ထက် သဲ အမျိုးလေ ဒါ့ကြောင့် သဲကဦးလေးဖက်ကနေ ရှေ့နေလိုက်ပြီ
“လက်ခုပ်ဆိုတာ နှစ်ဖက်တီးမှ မြည်တာပါ ကိုကို …
မမကို အတင်းကာရော ခိုးပြေးရအောင် မမက သူငယ်နှပ်စားအရွယ်မှ မဟုတ်တာ ..ပြီတော့ သဲဦးလေးက ကလိမ်ကကျစ်
လုပ်သွားတယ် ပြောရအောင် သဲဦးလေးက မမကို ခိုးပြေးပြီမယူပါဘူးပြောနေလို့လား .. ဟွင့် …တာ၀န်ယူပြီ မနက်ဖြန်ခါဆိုချက်ချင်း လာပြီ အပ်ရင် တောင်းရမ်းပါ့မယ် ပြောထားတာပဲ ..
YOU ARE READING
Old Love ( အရွယ်လွန် အချစ် )
Romanceအသက်လေးဆယ်ကျော် ခမည်းခမက် လူပျိုကြီး နဲ့ အပျိုကြီး ရဲ့ ဖူးစာ