Seducing Danrick Hidalgo (R-18)

Chapter Thirty

🧜

 DANRICK called her name. Hindi siya nag-aksaya ng oras na lingunin ito. Tumakbo siya. Kahit hindi niya naman alam kung saan siya talaga papunta.

Gusto niyang maiyak. Gago, gago!

May bulong sa isip niya na harapin ito at ipagsigawan kung gaano ito kagago. Niloloko siya nito. Pinagtataksilan.. siya.. nito..

Pinagtataksilan? Jowa ka ba?

Tila kidlat na humagupit sa kanya ang isang katotohanan.

Hindi.

Hindi siya nito niloloko. Ang sarili niya ang niloloko niya sa isipin na pinagtataksilan siya nito. Because she know the truth. Hindi siya nito niloloko dahil malinaw kung ano lang sila. Na walang sila.

Nanghihinang napaupo siya. Tiningnan niya kung nasaan na siya. 'Nak ng shokla, paakyat na pala siya sa rooftop. Hindi na siya naging aware na ay ang tinatakbo na niya ay mga hagdaan papunta sa rooftop.

Hingal na hingal siyang napaupo habang minumura ang sarili.

Tangina, Jeasabelle. Hindi ka na lang nag-elavator. Sa hagdan ka talaga dumaan. Akala mo ang payat payat mo!

Muntikan na siyang mapatalon sa gulat. Nag-ring ang cellphone niya sa bulsa. Napipilitang kinuha niya ito. Hindi niya kailangan pang manghula para malaman kung sinong tumatawag sa kanya.

Pero nagkamali siya.

It was not Danrick. Si Cathy iyon. Pinindot agad niya ang answer button. Rumehistro agad ang boses ng kaibigan.

"Bes, bigla ka na lang nawawala! Ano ba, where na you?"

"Ang jeje naman ng tanong mo," matamlay na sagot niya at diretsong umakyat hanggang sa makatuntong na siya sa roof top.

"Bakit ganyan ang boses mo? May sakit ka ba? OMG, nasaan ka na ba?"

"Wag mo na ako puntahan. Bigla lang sumama ang pakiramdam ko."

"Seryoso? Mukha ka namang okay bago ako magpaalam na pumunta sa rest room, ah?"

"I'm still okay.. I'm trying to be. Hindi ko lang mapigilang.."

"Si Danrick ba 'to?"

"Nakita mo siya?"

"Yes. Nakasalubong ko siya paglabas ko ng rest room. He's looking for you. Nagulat nga ako akala ko magkasama kayo.. Wait, I think he's still here. Gusto mo ba siya makita?"

"No!"

"And why no?" Hindi siya umimik. "Jeasabelle, may away na naman ba kayo ni Danrick? Hindi pagkakaunawaan? Or LQ?"

"Hindi applicable ang term na 'lover's quarell' sa amin."

"May nakita ka na naman ano?"

Hindi siya sumagot. Humugot siya ng hangin para pakalmahin ang dibdib niya.

"Okay, ayaw mo magsalita. Let me guess, then. May nakita ka and you easily jumped into a conclusion. Pagkatapos ay tumakbo ka palayo na puno ng mga paghihinala. Tama ba?"

Tangina. "Kung ganyan ka galing magbasa ng isip ng tao kahit katawagan mo lang, how come hindi mo nasense na bakla 'yung mga ex mo?"

"Gaga! That's a different case. Ikaw, matagal ko na kaibigan. Alam ko na rin mga galawan mo pagdating kay Danrick. Lalo na't nasaksihan ko na ang isa sa mga eksena mo, bakla."

Ang tinutukoy nito ay 'yong paggawa niya ng eksena nong sinampal niya si Danrick nang makita niya itong kausap 'yong babae na hanggang ngayon dahilan pa rin ng pagseselos niya. Well, pinagsisihin niya iyong paggawa ng eksena na 'yun noon. Parang ang cheap kasi ng ginawa niya.