Seducing Danrick Hidalgo (R-18)

Chapter Forty One

🍷

"SERIOUSLY, mga bes. There's no need."

Sabay sabay lang na umirap ang mga ito at inignora ang pagtanggi niya sa blind date na sinasabi ng mga ito. Mapilit ang mga kaibigan niya. Gusto talaga siyang I-push sa pakikipag-blind date kahit ayaw niya.

"C'mon, Belle! Ang tagal mo ng single! You should start dating again." sabi ni Alicia, ang pasimuno ng pambubugaw sa kanya.

"Oo nga. Mahigit dalawang buwan ka na ring single. Hindi ka pa ba nakaka-move on kay Danrick?" sabi ni Cathy at umugong na agad ang kantyawan at panunukso sa kanya ng ibang kaibigan. Alam ng mga ito ang naging ganap sa love life niya. Ang naging paghihiwalay nila ni Danrick, ang tungkol sa pagbubuntis ni Gianna at lahat lahat. Hindi niya direktang ikinuwento. Pero syempre, ang usisera niyang mga kaibigan nakagawa ng paraan para mainterview ang Tita Berto niya.

"Tigilan n'yo nga ako. Hindi naman porke ayaw ko makipag-date, hindi pa nakaka-move on? I just want to enjoy being single muna. No boyfriend, no problem."

Nagtawanan lalo ang mga gaga. Napabuga siya ng hangin. Kahit anong paliwanag niya, hindi maniniwala ang mga leche. Ipagpipilitan na di pa siya nakakamove-on kay Danrick.

Marahas na hinagip niya ang baso niya at inubos ang alak doon. Friday night at tulad ng nakakagawian nila, nandoon sila sa Purple Haus. Wala siyang balak na pumunta sana. Gusto lang niyang mag-stay sa bahay niya at matulog ng maaga. Kung hindi lang talaga mapilit si Cathy at Alicia. Isa pa, welcome party na rin kasi iyon ng new members ng Big Beauties. Kasama na doon ang pinsan niyang si Gay Marie.

Naging interesado ito sa club nang malaman nito iyon sa kanya. Tulad niya ay plus-size woman ito at interesado ito na maging miyembro nila.

"Kayo naman, masyado niyong ginigisa itong si Jeasabelle. Syempre, good girl 'yan. Sinusunod ang three months rule." nakangiting sabi ni Mary Jane pagkalapit sa kanila.

"Pero wala namang masama sa blind date, di ba? Di ka naman agad agad magpapakangkang."

"Ayaw ko nga muna. Di pa ko ready ulit."

"Hindi ready or hindi pa move on?"

"Too personal. Next question, please."

Muli, naghalakhakan ang mga leche. Mayamaya ay tinantanan rin siya ng mga ito. Wala talaga siyang plano makipag-date ulit kahit good catch pa ang inihihilera sa harapan niya. Hindi naman siya nakipag-break kay Danrick para lang magka-love life. The best revenge is to be happy. And she can be happy without a man in her life.

Two months na nga buhat ng makipaghiwalay siya kay Danrick. Two months na rin ng sinabi niya sa sarili na magmo-move on na siya dito. But the truth is, hanggang ngayon mahal pa rin niya ang lalaki. Walang araw na hindi ito sumasagi sa isip niya. Gusto na nga niya itong kalimutan. Pero paano?

Sa dalawang buwan na nakipaghiwalay siya sa lalaki, lagi itong nagpapakita sa kanya at nagpaparamdam. Sa mga unang linggo ng paghihiwalay nila, pumupunta pa rin ito sa bahay niya! Kahit ilang beses na niya ito itaboy, bumabalik pa rin. At palagi siya nitong sinusundan saan man siya magpunta. Umaakto na parang hindi siya nakipaghiwalay na! God, he's like an obsessed stalker!

At alam iyon ng mga kaibigan niya kaya kinukulit siyang makipag-date. Gusto makitang magselos ni Danrick. No! Hindi siya bababa sa ganun. Kaya naman niyang mag-move on na hindi nanggagamit ng ibang tao. Ayaw nga niya gawin sa kanya, tapos gagawin naman niya sa iba?

Nilagyan niya ng alak ang baso at ininom iyon na parang nauuhaw. Di niya napansin sunod sunod na siyang uminom at nakalahati na niya ang bote.

"Couz, dahan-dahan lang. Gusto mo bang magpakalasing?" natatawang tanong ni Gay. Ito lang ang naiwan katabi niya. Ang iba niyang kaibigan ay nandoon sa dance floor at nagpapakasaya.