Chapter 11.
BAKIT ba kung sino pang mahal natin, iyon pa iyong nananakit sa atin? Wala naman tayong ginagawa kundi ang mahalin sila e, bakit kailangang masaktan pa?!
Oo, mahal ko na nga talaga si Kenshin. Akala ko gusto ko lang siya, akala ko nahulog lang talaga ako sa kaniya kasi ideal guy ko siya, akala ko... mababaw lang pero hindi. Mahal ko na siya. Sa ikli ng panahong nakilala ko siya, nahulog ako at hindi na ako maka ahon pa.
Wala naman akong pagsisisi na minamahal ko siya. Ang tanging pagsisisi ko lang ay kung bakit hinahayaan ko ang sarili kong masaktan nang dahil sa kaniya.
Pinahid ko ang luha ko saka pumasok sa Spade bar---isang sikat ding bar malapit sa Hashtag bar. Hindi na ako babalik sa bar nila. Hinding hindi na!
Umupo ako sa isang bakanteng table saka nag-order ng alak.
Kanina ay galing ako sa bulok na bar na iyon. Hindi na dapat ako babalik pa doon dahil sa sinabi ni Kenshin kagabi pero bumalik pa rin ako dahil tinulungan ko si Cherrypink na makaganti sa jowa niyang si Duke. So dinala ko sila doon kasama si Empress na kapatid ni Duke. Nakipaginuman kami sa mga lalaki doon pero ang ending, nagwala si Duke. At si Kenshin naman, um-epal din! Akala ba niya nakakatuwa ang ginagawa niya?
Akala ba niya, sa tuwing lumalapit siya, kahit nasasaktan ako, sumasaya ang puso ko? Pwes oo! Kaya inis na inis ako.
"Hi, miss? Mind if I join you?"
Nag-angat ako ng tingin. Gwapo siya, chinito, pero wala pa ding panama sa Kenshin ko. Nakakainis!
"Sure..." sabi ko.
Dumating na din ang order kong alak. Tinungga ko agad iyon saka nagpakawala ng malakas na paghinga.
"Are you okay, miss?"
Tumikhim ako. Siguro na-fall agad sa akin ang lalaking ito.
"I'm fine. Hindi lang naman ako mahal ng mahal ko kaya okay lang ako. Okay na okay lang ako."
"Stop being rude to youself. Kung nasasaktan ka, just cry. Kung hindi ka niya mahal, it's his loss not yours. You're pretty."
Na-touch ako sa sinabi niya. "T-Thank you..."
He smiled. Lumiit tuloy ang mata niya. He has chinky eyes. Malamang 'di ba! Kaya nga mukhang chinito e.
"Anyway, I'm Daryl Chen."
Hindi ko masyadong naintindihan ang sinabi niya dahil sa lakas ng music. Basta something shen? Shing? Shingshangshung? Bahala nga siya.
I bit my lower lip. "I'm Frey Guevarra." Sagot ko.
Nakipag-shake hands siya sa akin. Ang bait bait niya naman. Saka kitang kita naman sa itsura na mabait siya.
Parang si Kenshin...
Mukhang mabait at inosente pero iba pala. Nakita ko ang bad side niya nang ipagtanggol niya ang kababata nila. Sinaktan niya ako. Sinigawan niya ako.
"So... are we friends?" He asked.
Tumango ako saka ngumiti. "Alright."
Ininom ko ulit ang alak ko. Parang mas gusto kong malasing nalang ngayong gabi para hindi ko maisip si Kenshin.
Ang hirap naman kasi kapag nagmahal ka, ang hirap namang alisin iyong nararamdaman mo.
Ang pagmamahal hindi naman iyan isinulat lang gamit ang lapis na kapag ayaw mo na, buburahin mo nalang.
"Hey... easy. Baka malasing ka agad, Frey." Tumabi siya sa akin.
Hinayaan ko lang siyang tabihan ako. Tutal gusto kong mawala sa isip ko si Kenshin, magpapakasaya ako kasama ang ibang lalaki.
