Witchcraft

Tale 61

Tale 61
The Hundred Man Giant

"When heaven mandated a new ruler, it gave birth to a mage with the gift of four natural elemental attribute. He ruled over air, earth, water, and fire. He shaped the world as we know it today, and his descendants will be known as the Romanovs.”
-TheBirthOfTheRoyalFamilies, by J. Forbes

Sa isang kakahuyan sa kaharian ng Ventus, isang munting cabin ang nakatayo sa gitna ng mga nagtataasang punong kahoy.

May usok na nagmumula sa tsimenea. May mabangong halimuyak na nagmumula sa cabin.

“Siguradong magugustuhan ng prinsesa ang niluluto ko! Babalik agad ang lakas nya sa oras na matikman nya ito!!” saad ni Regis habang nilalanghap ang halimuyak ng niluluto nya

“Nakakagutom.” Natatakam na saad ni Euphie

“Hindi ito para sayo.” Pagsusungit ni Regis

“Tsk. Kahit wala kang kwenta, at least mahusay kang magluto.” Saad ni Euphie

“Manahimik ka na lang, wala kang sinasabing mabuti.” Nakasimangot na tugon ni Regis

“Wala ba kayong royal duties sa mundo nyo? Bakit ang dami nyong oras para magliwaliw?” sabat ni Heian

“Tinapos ko na lahat ng tungkulin ko para sa buong taon. I'am free as a bird!” Euphie

“Iniwan ko lahat ng trabaho kay Cancer. He's my secretary kaya bahala na sya bwahahaha.” Regis

Napailing na lang si Heian.. It's a miracle that Gantandi and Andina are both prosperous despite having such irresponsible and easy-going rulers.

“Hmmm.” sabay-sabay napalingon sina Regis sa labas ng bintana.

“May paparating.” Heian

“Mga mortal.” Euphie

“Dont tell me sila ang may-ari nitong abandonadong cabin?” Regis

“Anong gagawin natin?” Euphie

Ngumisi si Regis. “This is perfect. We need manpower.”

Si Dante ang pinuno ng mga bandido na kilala bilang the Dark Hand na kilabot sa mga kabundukan ng Ventus. Nagtungo sila sa kaharian ng Uddara upang tambangan ang caravan ng mga mangangalakal na patungo sa mga oasis ng Uddara.

Sa kanilang paglalakbay ay di sinasadya na magkataong may lumitaw na pillar ng liwanag di kalayuan mula sa kanilang lokasyon. Agad nila iyong inimbestigahan sa pag-asang makatagpo ng mga kayamanan.

Subalit tila kahit ang tadhana ay hindi nais na sila ay tulungan. Sunod-sunod na hindi magagandang pangyayari ang hinarap nila. Una ay isang malakas na buhawi ang humarang sa kanila.  Marami ang nasugatan, pero hindi sila sumuko! Isang giant scorpion ang sunod nilang nakaharap. Isang madugong laban ang naganap. Hindi sila nagwagi, subalit nagawa nilang matakasan ang halimaw! Pagkatapos ay naipit naman sila sa isang magulong sitwasyon. Isang dark guild ang nakikipaglaban sa isang grupo ng mga witch! Ang mga bagong mage ng top 25! Mga ordinaryong tao lamang ang mga bandido, paano sila naipit sa laban ng mga mage?! Ninais nilang tumakas, subalit sa kasamaang palad ay lumitaw ang royal army! Napilitan silang lumaban. Subalit mas mapanganib pa sa halimaw ang mga nakatinggali nila!

Hinding-hindi malilimutan ni Dante, kasama ng buong Dark Hand, ang takot na naramdaman nila noong makaharap nila ang pinakamakapangyarihang mage ng kasalukuyang panahon, ang Witch of Apocalypse. Hanggang ngayon ay bumibilis pa rin ang tibok ng kanilang mga puso sa tuwing naaalala ang malamig nitong mga mata.