Project Ghost Hotline

Season 1: Episode 17

Sa mga nalaman ko ay agad akong nagpunta kina Maru at Codi. Nakaupo ang dalawa sa puting monoblocs na nakaharap sa kabaong. Humahangos ang mga paa kong tumabi sa kanila.

"Hey, may nalaman ako," bulong ko kay Maru.

Ang tarantadong si Codi naman ay biglang sumabat, "pare, anong latest?!"

Hindi ko pinansin ang gago. Bagkus ay mas pinagtuunan ko ng pansin si Maru na seryosong naghihintay sa susunod kong sasabihin.

"Remember the girlfriend of Franco Balagtas?"

"Yes, what's with her?"

"One of the family of the Cuenco sisters are connected with Franco."

Kumunot ang noo ni Maru. Tila bang bigla siyang nalito, "what do you mean?"

"Hoy, hot issue 'yan 'tol ha! Bawal mag-imbento ng kwento! 'Di ka troll na mahilig mag-revise ng history!" Ang dagdag naman ni Codi na sinamaan ko ng tingin. Kahit kailan talaga, panira ng moment ang isang 'to!

Huminga na lang ako ng malalim bago lumunok. I made sure that I am taking my time wisely in order for me to deliver the most crucial revelation that I have received today.

"Ate nina Kourine at Keira si Karina Cuenco," panimula ko. Natigilan ang dalawa sa mga sinabi ko. "Siya ang unang anak ng parents nila."

"Whuuut?"

"Teka, paano mo naman nalaman?"

Ang sabay na bulong naman sa akin ng dalawa. Dito ay minabuti ko na lang na dalhin sila sa mga pictures kung saan ako tumingin kanina. At kasama si Keira ay pinaliwanag niya sa dalawa na talagang totoo ang mga nasambit ko.

This sudden revelation really blew their minds. Maru blinked for a couple of times while Codi's nose is scrunching. Tila bang hindi kaya ng maliit na kapasidad ng kanyang utak ang mga nalaman niya ngayon.

"And you know what's more?" I told them again after Keira went to the kitchen with her sister.

"What? Meron pa?" Bulalas ni Codi. "Give na give naman tayo ngayon!"

Tinuro ko ang multo na nasa hagdanan. Pareho silang napatingin doon. Oo, tumingin rin si Codi doon kahit na hindi naman siya nakakakita ng multo. "That ghost . . . she is Karina Cuenco."

Parehong nanlaki ang mga mata nila. Si Codi nga ay ngumanga pa sa pagkagulat. Muntik na tuloy pasukan ng langaw ang bibig ng animal.

"Nakakabaliw . . ." Mabagal na nagkisap-mata si Maru. Ganoon din naman ang ginawa ni Codi.

That moment really created a chaos on our minds. Marahil ay kagaya ko, 'di rin ito inakala ng dalawa. Na katulad ko, 'di nila ito inasahan.

But I know, on that specific moment . . . kahit na hindi kami mag-usap-usap ay mukhang alam na namin ang naiisip ng isa't isa.

That Karina Cuenco is our next client . . .

A long moment of silence came and we are just staring at the ghost on that stairs. Hanggang sa basagin na nga ni Codi ang katahimikan-just like what he is always fond of doing.

"So, ano nang next move natin?"

Huminga ako nang malalim. Matapos ay tumikhim ako, "guess I have no choice now but to interact with that ghost. Mukhang wala na naman iyong kaso kasi siya lang naman ang multo sa bahay na ito, hindi ako gagambalain ng ibang multo sakali mang malaman nila na may kakayahan akong makipag-usap sa kanila."

"Ay, iyan ang bet ko! For da fighter ang ferzowns!" Pumalakpak pa si Codi.

Natawa na lang naman ako sa kanya bago ko piniling lumapit sa multo. Sinundan nila akong dalawa hanggang sa tumabi na ako kay Karina . . . na ngayon ay umaalingasaw ang bulok na amoy. Parehong hindi na maipinta ang mukha namin ni Maru. Sana all na lang talaga kay Codi na walang kalbaryong dinaranas ngayon.