عنادها جعلني اجبرها

Part 14

جالسين على مائده الطعام
خلاص يا حبيبي يعني هو لازم تروح المهمه دي؟؟
_ اه يا امي انا بقالي تقريباََ سنه بشتغل على المهمه دي هنقبض على ناس مهمه جداََ في البلد
_ بسس
_مبسش ولا حاجه متقلقيش هاخد بالي من نفسي يا ست الكل ثم نظر لتلك القابعه أمامه تاكل ببطئ ثم اكمل بخبث
هتوحشيني اووي
ردت الأم بدهاء.....
_ اممم انا بردو اللي هوحشك يا حضره الظابط؟؟؟!!!
رفعت نظرها له وتلاقت أعينهم ثم اردف
_معلش يا ميرال ممكن تطلعي تجيبيلي تليفوني من فوق علشان نسيته.
ردت بتورتر
_ ها؟ اه حاضر.. ثم صعدت الي أعلى لتبدأ مهمتها في البحث عن الهاتف
انشغلت الاسره في الأحاديث الأخرى واستأذن بالذهاب الي الحمام ثم صعد الي غرفته
كانت تبحث عن الهاتف هنا وهناك ولم تجده قررت النزول وعندما فتحت باب الغرفه وجدته امامها ردت بتلعثم
_ أ أنا دورت عليه ومش لاقياه.
ابتسم بخبث قائلاََ
_ اه منا عارف..
ردت باستغراب _ مش فاهمه؟
_ مش لازم...
_ ط طب عديني لو سمحت
أقترب منها وحاوط خصرها ثم نظر في عيناها وتحدث برقه وحنيه
_ عارفه انك هتوحشيني اوي ؟؟
ردت بتوتر و ضربات قلبها تكاد تخرج من صدرها مستنده يديها على صدره..
_ اممم ؟!
_ هو ايه اللي امممم
اخفضت بصرها الي الأسفل خجله لم يشعر بنفسه سوي انه يدخلها بين احضانه يشتم عبيرها وهي لفت يديها حول خصره اه يا الله كم اشتاق الي هذه اللحظة التي تكون بين يداي بكامل ارادتها وليس بالاجبار.....
أخرجها من حضنه ثم تحدثت بهمس..
_ خد بالك من نفسك.
غمز لها بعينيه قائلا.....
_ الله الله بدأنا نحن اهو؟؟
ردت بتلعثم _ ل لا انت بردو زي ابن عمتي واخويا
جز علي اسنانه ..
_غوري بره يا ميرال غورااااااي

،،،،،،،،،،،،،،،،،،،،،،،،،،،،،،،،،،،

اتكلمي يارهف فيكي ايه؟؟!!
لا تفعل شئ سوي انها تبكي بقله حيله
قلبه لم يطاوعه على تركها وهي بهذه الحاله قام من مجلسه ثم جلس على الطاوله الموضوعه امام كرسيها الفاصله بين الكرسيين ثم امسك يديها قائلاََ بحنيه..
_ ايه اللي حصل يا حبيبي؟؟؟ مفيش حاجه مستاهله كل اللي انتي عاملاه ده...
ردت ببكاء و كلمات متقطعه وهي تنظر داخل عينيه بعيون دامعه..
_ حتى لو حتى لو كس كسرت ثقه اهلي؟؟؟
رد بحنيه بالغه لا يظهرها سوي لها فقط...
_ احياناََ بنغلط بس ده مش معناه اننا نجلد نفسنا والحاله اللي انتي فيها دي أكبر دليل على ندمك.. ثم تردف حديثه وهو يمسح دموعها بيديه... _ وبعدين العيون القمر دي مش عايز اشوفها بتبكي تاني سامعني؟؟
ثم اردف بحنيه..
_ صلى يا حبيبي وادعي ربنا انه يريح قلبك اتفقنا.؟؟
هرت رأسها بمعني نعم وهي تمسح دموعها كالاطفال
ابتسم بحنيه لهذه الطفله الماثله أمامه ثم اردف
_ قومي يا رهف قومي علشان ٥ دقايق بالظبط وهنتمسك بفعل فاضح هنا في المكتب.
ردت بضحكه خجله..
_ ميرسي يا دكتور جاسر انا بجد مش عارفه اشكرك ازاي..
_ انتي هبله يا بت؟؟ يلا رهف قومي ياماما.
أعطته ابتسامه ثم استأذنت ان تخرج وسمح لها ولكنه اوقفها. _ رهف
_ ايوا؟؟
_ لو عايزه تتكلمي معايا في اي حاجه انا اكتر من مرحب
ابتسمت بخجل ثم.. _ شكراََ بعد اذنك
_ اتفضلي....
خرجت وأغلقت خلفها الباب بهدوء...
اسند راسه على الكرسي خلفه وعلى وجهه ابتسامه بلهاء....
يا الله كيف ان تكون بهذا الجمال حتى في حزنها؟؟ سريعاََ ما تذكر انها تحب رجل اخر غيره حزن في داخله ونفض هذه الأفكار عنه سريعاََ ثم حدث نفسه بتانيت _ خلاص يا جاسر ملقتش غير الطفله دي اللي تفكر فيها مافي ميت مليون واحده غيرها اوووووف

،،،،،،،،،،،،،،،،،،،،،،،،،،،،،

ناديلي رنا يا مها بسرعه
_ حاضر يا فندم..
قرعت الباب ثم أمرها بالدخول... دخلت وهي تسير نحوه ببطئ تشعر بدوار وجدته يتطلع في الأوراق الموضوعه على المكتب
_ اقعدي يا رنا..
طلبتني؟؟
_ اممممم..... رنا هو بعيداََ عن الحياه الشخصيه وانك بنت خالي... وبما انك طلبتي انك تتعاملي زي اي موظف في الشركه فانا اقدر اعرف ايه ده؟؟ ثم القى لها ملف على مكتبه
اخذت الملف وهي شارده لم تعرف لماذا يشتد عليها هذا الدوار هكذا يمكن لأنها لم تتناول طعام الإفطار او حتى العشاء يا الله أعني..
_ احم طب انا ممكن بس اشرب؟؟
_ اعطي لها كوب الماء الموضوع على مكتبه شعرت بعدما شربته انها افضل قليلََ شكرته ثم وضعته مكانه وبدات في فحص هذا الملف امامها كل هذا وذاك القابعه أمامها يكتم غيظه فبسبب اهمالها كانت ستؤدي الي حدوث مشكله ماليه مع شركه أخرى لولا انه أعاد قرائته مره اخرى
ردت باستفسار...
_ط طب هو في ايه علشان انا مش قادره اقراه كله؟؟
رد بغيظ وهو يربع يديه على صدره ويستند بظهره على كرسيه للخلف...
_اه مش قادره تقريه بس قادره تهزري وتضكي مع اللي يسوي واللي ميسواش مش كده يا هانم؟؟؟
ردت بعصبيه وصوت عالي... _ياسين مسمحلكش!!
رد بعصبيه وغضب...
_بلا تسمحي بلا متسمحيش منتيش ماشيه النهارده يا رنا غير لما الملف ده يتراجع كله وتعرفي ايه الغلط اللي فيه متهيالي سامعه؟؟ اتفضلي علي مكتبك...
_ردت بتلعثم وهي تبتلع ريقها..
_ممكن بكره؟
_نعم؟
ردت بضعف _هراجعه بكره يا ياسين بس بلاش النها...
_النهارده يا رنا هيخلص وهستلمه النهارده على مكتبك
قامت من مقعدها ثم سارت بضعف تدعو الله ان تصل إلى مكتبها بسلام خرجت من مكتبه وهي تشعر ان الدوار يزداد ويزداد لم تعد تشعر بشئ وكأن كل شئ بات بللون الأسود وفجأه وقعت على الأرض فاقده الوعي

أول مره اكتب فصل طويل كده 😂
كومنت بقي محتاجه رأيكم 👈👉