لماذا اشعر بدقات قلبي تخترق ضلوعي
لماذا يختلط حزني بدموعي
رفقا بي يا سجاني
يا من وهبتك مفتاحي
ففتحت قلبي واخرجت ضلوعي
_________________________________
جالسا علي مكتبه واضعا رأسه بين يديه شاردا في من سرقت قلبه وعقله لا يعلم ماذا يخبأ له الزمن لا يعلم هل سيجمعه الزمن مع من سرقت قلبه او سيفرقه عنها هل بعد كل هذه السنوات من البعد والفراق سيجتمعا اما القدر له راي اخر..... استمع الي طرق علي مكتبه اعتدل في جلسته وامر الطارق بالدخول .....
السكرتيره بعمليه / ادهم بيه في واحد عايز يدخل لحضرتك
ادهم باستغراب / مين ده ؟؟..ماشي دخليه ....
السكرتيره / تمام يا فندم
ثم دعت المنتظر بالخارج الي الدخول واغلقت الباب خلفهم
جاسر بحب / ابو الصحاب عاش من شافك..
رسمت علي وجهه ادهم بسمه واسعه عندما استمع الي صوته ثم قام محتضنا اياه بحب
ادهم بحب / فينك يلا مبنشفش خلقتك ليه بقالك فتره ؟؟
جاسر برفعه حاجب / شوف بقي الناس اللي مبترفعش سماعه التليفون لا وبتتنك...
ادهم بضحك / ولله يابني متداس علي وشي
جاسر بضحك/ اااااااه عشت وشفت ادهم بيه بجلاله قادرو متداس علي وشه
ثم اكمل بغمزه/ قول يا دومي قول الموضوع فيه اسيل هة ؟؟؟!
ادهم بضحك / وهو في حد يجيب صحبك ارض غيرها ؟؟
جاسر بضحك / هموت واشوف اسيل دي اللي عامله فيك كده
ادهم برفعه حاجب / تعرف تطلع بره؟؟
جاسر بخوف مصطنع/ ليه بس يا كبير مكنا كويسين ؟؟
ادهم بهدوء / وانت مش ناوي تتلم بقي ؟
جاسر بضحك / احم ولله يا دومي صاحبك وقع علي بوزو ومحدش سما عليه
ادهم بغمزه / اوعي بقي طب متتلحلح
جاسر بخوف / قولتلها ومستني ردها ولو وافقت هروح اكلم اهلها
ادهم بحب / هتوافق يا صاحبي يعني هي هتلاقي احسن منك فين؟
ثم اكمل ضاحكا / اينعم تبقي امها داعيه عليها بس يعني ندبسها ونخلص منك و نبقي نشوف الموضوع ده بعدين
جاسر بغيظ / لكنش مولود فوق راسك ولا حاجه؟؟؟؟
ادهم بضحك وغرور / وانت تطول يلااا؟؟
جاسر باستفزاز / غرورك يا دومي طفح علينا
ادهم بعصبيه وهو يحدفه بالقلم / كتك دمدمه في نفوخك بقي ده منظر دكتور في الجامعه؟؟ اجري يلا اطلع بره ساكتلك من الصبح وانت سايق فيها
طلع جاسر يجري خارج المكتب ضاحكا علي صديقه المشاكس
فهو كان صديقه من الثانويه ولكن افترقا لدخول كل واحد منهم كليه مختلفه ......
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
علي مائده الطعام يتناولون العشاء .........
ياسين وهو يرمق رنا بنظرات غامضه / سيف بعد اذنك بعد متخلص انا محتاج اتكلم معاك
سيف بهدوء / تمام كمل اكلك وبعد منخلص ابقي تعالي علي مكتبي
ياسين / تمام
سناء (ام رنا وميرال) / بجد يا سيف مش عارفه اقولك ايه معلش يابني تعبتك معايا الشهر اللي فات ده انشاء الله هنرجع انا والبنات الاسبوع الجاي شرم كفايه كده
حنان باستغراب/ايه اللي انتي بتقوليه ده يا سناء لا طبعا انتو هتفضلوا قاعدين هنا انتي مش عارفه انا اتعلقت بالبنات قد ايه دول اللي فاضلينلي من ريحه المرحوم اخويا وتقوليلي هتمشوا لا طبعا ولا ايه يا سيف متتكلم ؟؟؟
سيف بهدوء / هو في حاجه حصلت يا مراه خالي وانا معرفش ؟؟
سناء بمغزي / لا طبعا يا حبيبي كتر خيركوا تعباكم معانا بس دول بنات يا حبيبي وفي الاول والاخر انت واخوك رجاله ومهما ان كان بردو لازم نرجع مش هينفع نعيش كده انا لولا حنان ضغطت عليا اني اجي بالبنات علشان وحشوها وكان نفسها تشوفهم مكنتش هاجي وكفايه اوي شهر
ياسين بعصبيه وقد طفح الكيل / عايزه تمشي يا مراه خالي انتي حره بس مراه ياسين الكيلاني مهياش ماشيه من هنا انا بقولها علني اهو هتجوز رنا ثم تركهم وذهب ..............
القي قنبلته في وجهه الجميع ثم خرج دون ان يبالي ....
الماء الذي كان في فمها خرج مره واحده وفي وجهه عمتها المسكينه
حنان بتفاجئ / يا بنت الهبله
رنا باعين مفتوحه وفم متسع جعل كل الجالسين يضحكون علي مظهرها / عمتو هو قال ايه معلش ؟؟
حنان بضحك / عملتي في ابني ايه يا بنت الهبله تخلتيه واقع علي بوزه كده ؟؟؟؟
رنا بتوتو وتلعثم / و و اأنا مالي ابنك اللي قليل الادب ثم تركتهم وصعدت الي الاعلي سريعا
سيف بهدوء / متهيالي يا مراه خالي انتي كده اتطمنتي علي رنا وبالنبسه لميرال فانتي عارفه كده كده انها ليا من يوم متولدت بعد اذنكم
ميرال بصدمه من هدوءه وكانه يخبر امها عن طقس اليوم ليس وكانه اعلن ملكيته عليها امام الجميع
حنان بضحك وهي تتحدث لنهاد وتضرب كف علي كف / بناتك يا نهاد مخلوش في عيالي عقل
،،،،،،،،،،،،،،،،،،،،،،،،،،،،،،،،،،،،،،،،،،
نائمه علي السرير واضعه يديها خلف راسها تتامل في سقف الغرفه بعينيها ولكن عقلها شارد خرجت من شرودها علي صوت الهاتف بنمره غير مسجله مسبقا قررت ان تتجاهلها ولكن استمر الهاتف في الرن
نفخت وجنتيها بانزعاج من هذا الكائن المتطفل ثم ردت...
رهف بعصبيه / افندم ؟؟؟
جاسر بضحك/ ايوا بقي علي الهانم اللي مبتجيش الكليه بقالها يومين لا ومتعفرته علي خلق الله
رهف بخجل / دكتور جاسر ؟؟
جاسر بحب / عمره ؟؟
رهف بخجل / أ أ
جاسر بكوميديه راحما خجلها / دكتور يا رهف دكتور ؟؟؟؟ بعد كل اللي بنا ده ؟ ده حيلله حامل في الرابع بالسرعه دي نسيتي ابنك اللي في بطني يا هانم؟؟
رهف بخجل اكثر / جااااسر؟؟؟
جاسر ضاحكا / يخربيت جاسر علي اللي خلفو جاسر بت متنطقيش اسمي تاني سامعه؟
رهف بضحك / إلا هو حضرتك يعني جبت رقمي منين ؟؟؟
جاسر بضحك / حضرتي جبت رقمك من الcv بتاعك اللي موجود في الكليه
رهف بفهم /اممممممممم
جاسر بضحك / هو ايه ال امممممم بت متهيالي كده كان في كلام بينا في المكتب فكراه ؟؟ وإلا ولله اجرجرك في المحاكم بقي ونعمل DNA وهثبت ان اللي في بطني ده ابنك و هتجوزك عافيه ها انتي حره ؟؟
رهم بخجل وابتسامه / احم مهو هو اصل أ أن ا
جاسر بضحك / ايه يا رهف ياحبيبتي هو الشريط سف؟؟؟
رهف بخجل وبسرعه / بص انا ماليش دعوه اللي يشوفو ابيه انا هعمله سلام
ثم اغلقت الخط واضعه يديها علي قلبها في حركه عفويه لتهدئته وعلي وجهها ابتسامه بلهاء لا تعرف سببها
اغلقت في وجهه نظر للهاتف بصدمه فهي القت قنبلتها واغلقت
ضحك بخفه علي هذه البلهاء مرددا بضحك / صلاه النبي احسن
،،،،،،،،،،،،،،،،،،،،،،،،،،،،،،،،،،
عائدا الي منزله في الصباح فهو قد غفي في مكتبه بسبب شغله المتراكم وجدها تخرج من البوابه
صف سيارته ثم خرج صافعا خلفه الباب متجهاا لتلك التي ترتدي ملابس كجلد ثاني كاشفه منحنيات جسدها
كانت اسيل ذاهبه الي الجيم في الصباح فهي اعتادت علي ذلك منذ وجودها في امريكا ارتدت ليجن اسود وبلوزه بللون البيج بثلث كم قصيره ثم خرجت لتستقل سيارتها لمحته في طريقها الي سيارتها ولكنها لم تبالي وحين كادت ان تستقل سيارتها سمعت صوته خلفها
ادهم محاولا رسم الهدوء علي ملامحه وفي صوته / صباح الخير
اسيل بهدوء وهي تنظر له / صباح النور
كادت ان تستقل السياره مره اخري ولكنه قاطعها / انتي راحه فين ؟؟؟
اسيل بنفاذ صبر / الجيم بس هو في حاجه ؟؟
ادهم بهدوء / مش شايفه ان اللي حضرتك لابساه ضيق شويه لا شويه ايه ضيق كتير ؟؟؟
اسيل برفعه حاجه / ضيق..واسع ميخصكش
ادهم محاولا الهدوء ولكن خرج صوته حاد / انتي كلك علي بعضك تخصيني سواء بموافقتك ولا لا فلمي الدور يا اسيل واطلع غيري
اسيل ببرود / اممم ورجعت ريما لعادتها القديمه
ثم اكملت بنفاذ صبر / بص يا استاذ ادهم هل انت خطيبي؟ لا ...اخويا ؟لا ...ابويا؟ بردو لا
يبقي ملكش حكم عليا تمام ؟؟؟؟؟
ادهم ببرود وهو يقرب منها ويردد / هل انتي هتخرجي ؟ لا... هل هتلبسي اللبس ده تاني ؟ لا ..
اغلق باب سيارتها بعنف التي كانت فتحتها مسبقا ثم اكمل/ فيلا يا شاطره قدامي علي فوق.....
اسيل بعصبيه / ادهم انت اتجن......
لم تكمل حديثها لانه امسك فكها بين كف يده ضاغطا عليه محدثا اياها باسلوب غير قابل للنقاش / صوتك ميعلاش عليا انتي سامعه ؟ متنسيش انا اللي ربيتك يعني كل الهبل ده تعمليه علي خلق الله كلهم الا انا ها؟ مش معني انك ساافرتي وعشتيلي حياتك كام سنه بالطول والعرض تفتكري ان خلاص كده لا فوقي !! مش عايزه تتجوزيني عنك ومش معني ان بحبك يبقي هتساهل معاكي انا ابوكي قبل مكون ابن خالتك سامعه ؟؟؟؟؟!
رايكم ؟🤭🙂
في احداث كتير جايه ومفاجئات 💃😌
متنسوش vote ❤
YOU ARE READING
عنادها جعلني اجبرها
Romanceماذا يحدث اذا تحول الحبيب والصديق والاب والأخ من أكثر الأشخاص ملجأََ لها الي أكثر شخص هو سبب خوفها فتاه عنيده قويه من الخارج عندها ١٨ سنه ولكنها من الداخل رقيقه ورقه هشه حطمتها الظروف القاسيه هل ياتي من يجبرها؟؟ هو شاب وسيم جدا عنده ٢٨ سنه وطويل ا...
