عنادها جعلني اجبرها

part 22

اسفه علي التاخير وعدتكوا اني هنزل بارت او اتنين في الاسبوع غير يوم الخميس الاساسي بس جالي دور برد فله كده 🤭مبسوطه اوي ان في ناس بقت بتسال عن الروايه وانها عجباكو اتمني تقولولي رايكم علشان بتشجعوني بجد 🙏🌍
اسيبكم بقي enjoy😌

__________________________________________

ع ايه يا روح أمك؟؟؟
نطقها أدهم وهو يقف ويخبط كف يديه علي سطح المكتب بعصبيه
جاسر بلامبالاه
_ عريييييس... جري ايه يا أدهم!؟ متقعد كده ونتكلم يا راجل ده حتي الصحاب لبعضشيها
نطق بها جاسر وهو يضع رجل علي رجل ويهز بقدمه امام وجهه هذا الثائر
ادهم بعصبيه
_اه يا رمه بتكلم اختي وتتفق معاها ؟؟ لا ومستني رأيها علشان تقولك موافقه ولا لا ؟؟ وبعد كده تيجي تتقدم لقرطاس اللب اخوها؟! وربنا لشوقك نصفين .....
لف حول المكتب متجها الي ذلك القابع امام مكتبه
حينما شعر جاسر بالخطر قام سريعا من مكانه ولف حول المكتب وهو يحاول تهدئه هذا الادهم
جاسر بهروب وهو يحاول تهدئه ادهم
_يا دومي اسمع بس أن......
أدهم بمقاطعه
_تعالي هنا يا روح أمك واتكلم راجل لراجل
جاسر بتوتر
_ لا راجل لراجل ايه يا عم ....
ثم وضع يديه علي قفاه مكملاً حديثه
_لاقيني في كيس قلبظ انا؟؟ .....
ادهم بعصبيه وهو يحاول مسك جاسر
_ ده انا اللي هعمل منك قلبظ كتك شكه في مناخيرك يا بعيد لا والبت مفهماني انه يا أبيه يادوب بس جه وقالي عايز اتقدملك اتااااري البيه لايص من ورايا......
جاسر بتعب
_متتهد بقي يا شيخ الله يخربيتك معنتش قادر
ثم اكمل بغرور
_وبعدين هتلاقي أحسن مني فين ها ؟!
جز ادهم علي اسنانه بغضب ثم اتجه وجلس علي الكرسي الموضوع امام المكتب
ادهم بعصبيه
_ اترزع
جاسر بخوف
_ مش ضامنك ....
ادهم برفعه حاجب
_ اترزع يلا علشان مروقكش وعدي يومك....
جاسر بتوتر
_ احم طايب بس اديني الامان
ادهم بمحاوله لكتم ضحكته
_ الأمان في الحمام يا روح امك اترزع...
جلس جاسر امام ادهم في الكرسي المقابل له وهو
ينظر له بأشمئزاز
_ايه الالش الرخيص ده يا دومي ؟!
ادهم برفعه حاجب
_قول دومي دي تاني
جاسر بابتسامه صفرا / لا
ادهم بهدوء
_ ابقي اسمعها تاني .....
ثم اكمل كلامه وهو يضع قدم فوق الاخري ويربع يديه امام صدره ويتحدث ببرود
_ ها بقي فكرني كنت عايز ايه؟؟!
جاسر بابتسامه متوتره
_يُسعدني و يُشرفني يا فندم اني اطلب ايد الانسه رهف اخت حضرتك
ادهم بتفكير
_ اممممممم سيبني افكر سنه سنتين كده وهبقي ارد عليك
جاسر بعصبيه وهو ينتفض من كرسيه
_ت ايه يا روح أمك ؟؟ انت هتستهبل يلا ولا ايه؟؟؟!
ادهم ببرود
_ ده اللي عندي
جاسر بعصبيه
_ ده انا اخطفهالك وهتجوزها غصب عن عين اهلك .....
ادهم برفعه حاجب
_اعملها كده ووريني
وفجاه وجدوا من يترك علي الباب
سمح ادهم للطارق بالدخول وهو ينظر الي تلك الثائر امامه بابتسامه سمجه
جلس جاسر مره اخري علي مقعده وهو يسب ويلعن في هذا الجالس امامه
دخلت بطلتها الرائعه امامه نظر لها ثم حول نظره لاخيها بغيظ
رهف بتوتر وابتسامه
_ ابيه سمعتكم بتتخانقوا وصوتكم عالي هو في حاجه؟!
جاسر بهدوء وهو ينظر لادهم بتحدي
_ تعالي يا رهف ده انتي ابيه وافق عليا جدا وطلعنا اصحاب كمان تتخيلي !؟
رهف باستغراب وفرحه
_بجد يا ابيه حضرتك تعرفوا ؟!
أدهم بعصبيه داخليه تحدث وهو يجز علي اسنانه
_ اه طبعاً عز المعرفه
جاسر بأنتصار
_ اشطا يا ادهومتي علي اتفقنا بقي وانشاء الله الخميس الجاي هاجي انا واهلي علشان نتفق علي باقي الحجات وكده ها ؟ يلا يا حبيبي تشاو
ثم فر سريعاً من امامه فلو بقي اكثر من دقيقه سيقتله ويبتلعه ثم يلقي جثته لكلاب الشوارع...........
رهف بابتسامه هائمه وهي تنظر في اثره
_هو في قمر كده اجدعان؟؟!
اتعدلي ياروح امك انتي كمان بدل معدلك
نطق بها ادهم في اذن رهف الشارده
رهف بتلعثم
_أ أبيه؟؟ أ أنت هنا من امتي؟؟؟
ادهم ببرود وهو يضع يديه في جيبه ويعتدل في وقفته
_من اول قمر
رهف بخجل
_ ها؟؟
ادهم بهدوء
_علي اوضتك يا بنت الهبله....
فرت سريعا من امامه ولكنه ما لبث ان نادي عليها
ادهم بحب
_رهف ؟
رهف بخجل
_نعم يا ابيه ...
ادهم بهدوء
_تعالي
رهف بتوتر وهي تتقدم منه
_ نع......
قاطعها ادهم محتضناً اياها ويهمس داخل اذنها
_الف مبروك يا قلب ابيه
احتضنته رهف بحب
_ الله يبارك فيك يا ابيه
فهو ليس باخيها فقط وإنما كان طوال عمره بمثابه والدها