Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
EPISODE 20: Sikreto
EXT. BAYAN. SAN LAZARO. UMAGA.
Matiwasay na nailipat sa ika-apat na araw ang labi ni Don Rico Andreigo Barosa sa Parokya ni San Lazaro sa pangangasiwa ni Andra at sa tulong ni Barney. Mahigpit ang seguridad at kaagad na dumagsa ang mga tao. Samantala, naiwan ang Barosa sisters sa mansion kasama si Sabing. At si Gwenella naman ay may importanteng pinuntahan.
ANDRA (Nakasuot ng shades habang pinapaypayan siya ng julalay niyang si Aileen.) In fairness, mukhang mahal na mahal nga ng mga aliping ito ang kuya Andy ko.
BARNEY Kindness is one of the redeeming qualities of your brother, Andra.
ANDRA Kindness. Ayan, maaga tuloy siyang kinuha ni Lord, right, Father Cedric. (Binalingan ang katabing pari.)
Si Father Cedric De Jesus ang kura paroko ng San Lazaro sa loob ng maraming taon. Sa edad na 70 ay malakas na malakas pa rin ito kahit na puti na ang buong buhok. Siya ang nagkasal kay Andy at Bettina pati na rin sa mga nauna pang mga Barosa. Nakatayo silang apat di kalayuan habang pinagmamasdan ang pila ng mga alipin na sumisilip sa kabaong ni Andy.
FATHER CEDRIC Siyang tunay, Señora Andra, ang mga mababait ay kinukuha kaagad ng panginoon at itinitira niya lang dito sa lupa ang mga masasamang damo. (Sabay tingin kay Andra.)
AILEEN Bet ko yan, father!
ANDRA (Pinanlakihan ng mata si Aileen atsaka ulit bumaling kay Father Cedric.) Ilang taon ka na nga ulit, father?
FATHER CEDRIC Setenta años, Señora.
ANDRA Huwag kang mag-alala dahil may oras din ang mga masasamang damo. Hmp. By the way (bumaling naman kay Barney.) kailan ang necrological service? At buhay pa ba ang magaling na asawa ng kapatid ko? Baka gusto niya ng sumabay.
BARNEY (Hindi man lang na-offend sa sinabi ni Andra tungkol sa kapatid niya.) It's the day after tomorrow.
