The Jerk is a Ghost

The Jerk: Three

Three,

Naalimpungatan ako dahil sa ingay sa ibaba. Ramdam ko ang init at liwanag na pumapasok sa kwarto ko mula sa glass door ng terrace. I rolled on the surface of my bed to face my alarm clock. Almost nine thirty na ng umaga. I groaned sleepily at bumalik sa pagkakahiga.

Then it hit me. Napaupo ako sa kama. Bigla kong naalala ang mga nangyari noong madaling araw. Mabilis akong bumangon at tinali ang walang kasing gulo kong buhok sa isang bun. Nagbihis ako at lumabas ng kwarto.

Nang bumaba ako nadaanan ko ang kapatid kong si Daniel na naglalaro sa labas kasama ang aso naming si Nacho. Binati ko siya at dumerecho sa kusina. Nadatnan ko doon si Mama na naghuhugas ng pinagkainan at nandoon din si Dad?

Umupo ako sa katapat na kitchen chair at nag salin ng orange juice sa baso. "Dad? Wala ka bang work ngayon?"

He raised his head from the local newspaper he's reading. "Mamayang hapon pa ako pupunta sa office anak." sagot nito saka uminom ng kape.

"Kumain ka na, sweetie." sabi ni Mama. Tumango ako at naglagay ng ham, scrambled egg, at fried rice sa platong nasa mesa.

Kumain ako ng tahimik hangang sa nakita ko ang isang article sa newpaper na binabasa ni Dad.

"Dad." bigla kong sabi na maging si Mama natigil sa ginagawa. "Yan na ba yung nangyari kagabi?" turo ko dyaryo.

Nakalagay doon: Students from two local school involve in a drag racing accident. Nalunok ko bigla ang kinakain ko.

"Wala pang masyadong detalye, anak. Halos ilang oras lang ito nangyari. Pero nagawa nilang isama sa issue ngayong umaga." sagot niya.

"Mabuti nalang at hindi mo naisipang pumunta sa lugar na yun, sweetie. I heard there are a few casualties. Baka mamatay ako sa sama ng loob kapag nadatnan kita sa police station."

Muntik akong mabilaukan. Pati si Dad napangiti.

Alam niyang imposibleng mangyari ang bagay na yun. Pumasok nga lang sa school na hindi nakagawa ng homework pakiramdam ko magkakasakit na ako, ang manuod pa kaya sa isang illegal drag racing sa gitna ng gabi.

Matapos kong kumain sinabi ni Mama na tingnan ko si Daniel sa bakuran. Nang lumabas ako nakita ko si Daniel na kasama parin si Nacho.

"Hey, Danny." bati ko sa five year old kong kapatid na seryosong naglalaro sa sandbox sa gitna ng bakuran.

"Hey, sweetheart." bati ko sa Saint Bernard na aso na sumalubong sa akin. Iwinagayway nito ang mabalahibong buntot.

"Ate?" tanong ni Danny. Tumigil ito sa ginagawa niya at lumapit sa nakaupong aso. Halos magkasing laki lang sila. Nacho is quite a large dog.

"Sabi ni Lala, umalis kayo kagabi. Saan kayo pumunta?" Daniel's bright eyes are full of innocent curiosity.

Si Lala ay ang matandang kapitbahay namin. Mag isa siyang nakatira sa katabing bahay at kada weekend dinadalaw siya ng anak niya at apo niya. Siya ang pinag bantay namin kay Daniel kagabi.

Hindi naman naging malaking abala ito sa kanya. She is an early riser. Eksaktong alas kwatro ng umaga siya nagigising araw araw. Kaya sinuman sa malapit ay hindi na nagtataka kung may naririnig na nagwawalis ng bakuran ng ganun kaaga.

"Bumili kami ng paborito mong cereal." sabi ko. "Hindi ba sabi mo kahapon wala ka ng rainbow flakes kaya bumili kami para pagising mo meron na."