[FINISHED]
Categories : Boys' Love • Contemporary Romance • LGBTQ
Kannagi Lacanlali, or Kann, suffers daily from social anxiety. Siya na ang nakatoka bilang caretaker sa mansyon ng mga Gulmatico, na nasa ibang bansa, buhat nang ma-admit ang tita niy...
Oops! This image does not follow our content guidelines. To continue publishing, please remove it or upload a different image.
THIRD PERSON POV
Dahil sa narinig nilang balita galing kay Richmond, naglaho ang kanilang espekulasyon sa magkapatid na Libres at tuluyan silang tumalon sa isang konklusyon: “So, si Luke ang k-um-idnap kay Kann!”
“Tama nga ang hinala ko.” Si Clyvedon, nagngingitngit. “Siya talaga ’yong sumusunod sa ’min ni Kann noon sa sementeryo, at pati na rin sa plaza. Hindi ko lang sinabi kay Kann kasi ayaw kong mag-alala siya.” Ikinuyom niya ang kaniyang mga palad at halos bumaon na talaga ang mga kuko niya roon. “Gusto niya kaming sirain. Ayaw niya ’kong maging masaya dahil ako ang sinisisi niya sa pagkawala ni Hasna. I can’t forgive him if he does something bad to Kann.”
“W-wait, sementeryo?” Si Richmond, gulat na gulat. Pagkatapos, napatingin siya sa mga kaibigan niya. “’Di ba no’ng pumunta sina Clyve at Kann sa sementeryo, tayo naman ay nag-ready sa mansyon para i-surprise si Kann? That time, late nang dumating si Luke. We’re almost done when he arrived. Tanda n’yo pa?”
Nagtaas-baba ang ulo nina Soichi, Aneeza, at Gemini bilang tugon. Kuha na agad nila ang punto ni Richmond.
“Ang tanda na niya ’tapos character development niya, paurong,” nayayamot na anas ni Aneeza.
“Ngayon, napagtagpi-tagpi n’yo na ang lahat,” pukaw ni Nastor sa atensyon nila. “Lahat ng mga nangyayari, si Luke ang tinuturo. At siya lang ang may motibo. Kailangan n’yong hanapin kung nasaan man si Luke dahil hawak niya si Kannagi. Kaunting panahon ko lang”—uminit bigla ang sulok ng mga mata niya—“kaunting panahon ko lang nakilala si Kann pero alam kong napakabait niyang bata. At ayaw kong may mangyaring ’di maganda sa kaniya. Pakiusap, iligtas n’yo siya.”
Itinaas-baba ng lahat ang kanilang ulo bilang tugon.
Pinigilan ng may-ari ng tindahan ang sarili niya na maiyak nang maalala ang sinapit ng kaniyang itinuring nakababatang kapatid na si Hasna. Araw-araw kasing bumibisita dati ang dalaga sa kaniyang tindahan kaya kalaunan ay naging malapit sila. Ngunit sa kasamaang-palad, bigla na lamang lumipad ang balita’t nakarating sa kaniya na patay na ito. At ngayon, ayaw niyang maulit ang nangyari dati, lalo na’t naging parte rin si Kannagi sa Walang Pangalan Bookstore.
“Si Luke pala ’yong nagpadala sa ’kin ng messages noon,” muling nagsalita si Clyvedon kaya napabaling silang lahat sa kaniya.
“Anong klaseng messages? Death threats?” usisa ni Richmond. Nalukot ang mukha niya at tila naghihintay ng madaliang sagot.
Umiling si Clyvedon, nagpanting ang tainga. “Wala raw akong karapatang maging masaya pagkatapos ng ginawa ko kay Hasna.”
“Ano pa ang hinihintay natin? Hanapin na natin si Luke!” nanggagalaiting sabad ni Soichi.
“Soichi is right,” ani Aneeza. “Kailangan na nating mahanap at mahuli si Luke bago pa man may mangyaring masama sa kaibigan namin—natin.”
“Maghiwa-hiwalay tayo,” suhestiyon ni Gemini kaya dumako ang mga mata nila sa binata.
