Nakikita ko ang bahid ng lungkot sa iyong mukha
Tila ika'y nawawala
Nais ko man maging ilaw sa iyong daan
Hindi ko maatim na ika'y tulungan
'Pagkat kailangan nating tahakin ang ating daan
Kahit pa pareho tayong nasasaktan
Nais ko man bigyan ng ngiti ang iyong mga labi
Hindi ko magawa, 'pagkat ako'y humihikbi
Ang puso ko'y kailangan din ng gamot na iyong hinihingi
Nais kong ika'y maging masaya
Kahit hindi mo ako kasama
Mapaglaro ang panahon para sa atin
Hindi inayon sa mga plano natin
Ngunit asahan mong narito pa rin ako
Kapag ako'y kailangan mo
Kung maibabalik ko man ang nakaraan
Siguro atin itong iiwasan nang wala na sa atin ang masaktan
YOU ARE READING
Sanlibong Salita Sa Loob Ng Aking Utak (Compilation of my poems)
PoetryLahat ng salitang nabuo sa saya, lungkot, at galit ay ginawang tula. Pagkadurog, pagsasaya, pagkagalit, o pagkapuot ay gagawing tula. Kukuha ng panulat at papel, lalaruiin ang mga salita upang makabuo ng isang tula.
