ရိပေါ်ကိုမြှားထိတယ်ထင်ပြီး အော်မိအော်ရာ အော်လိုက်တဲ့ ရှောင်းကျန့်အသံလေးကိုနားထဲကမထွက်ဘူး။ ပင်ပန်းတာတွေပါပျောက်ကုန်တယ်။ ရှောင်းကျန့်က နောက်ကျလို့ပွစိစိပြောနေပုံက ဇနီးကခင်ပွန်းသည်ကို ပြောနေသလိုခံစားမိတယ်။
ရုတ်တရက် ထူးဆန်းတဲ့အတွေးဝင်လာတယ်။ သခင်လေးနဲ့လက်ထပ်ချင်တယ်။ ရိပေါ် သူ့အတွေးကိုသူ မယုံနိုင်ဖြစ်ရတယ်။ သခင်လေးကိုသဘောကျတာမှန်ပေမယ့် အဲ့လိုတစ်ခါမှ မတွေးဖူးဘူး။ ရင်တွေလည်းခုန်လာတယ်။ ရှောင်းကျန့်ကတော့ သူ့ကိုဆူပူပြီး အိပ်သွားတယ်။ သူ့ဘေးနားလေးကပ်ကပ်အိပ်ရဖို့ စိတ်ကူးယဉ်မိပေမယ့် မအိပ်ခိုင်းခဲ့ပါဘူး။
------*
မနက်ရောက်တော့ ခရီးသွားဖို့မြင်းကတစ်ကောင်တည်း။ နောက်တစ်ခါရင်ခွင်ထဲမရောက်စေရန် ရှောင်းကျန့်အနောက်မှာနေဖို့တောင်းဆိုလိုက်တယ်။ ကျကျနန မြင်းနောက်မှာထိုင်ပြီး မြင်းဖင်ကိုနောက်ပြန်ကိုင်လိုက်တယ်။
"သခင်လေး။သေချာကိုင်ထားနော်။"
ရိပေါ်မြင်းဇာတ်ကြိုးကို စပြီးဆွဲလိုက်တယ်။
"အ့...မင်းဘယ် လိုမောင်းနေတာလဲ။"
သူ့အော်သံကြောင့် ရိပေါ်ရပ်လိုက်တယ်။ မြင်းကဆောင့်ထွက်သွားတော့ ရှောင်းကျန့်ဟန်ချက်ပျက်ပြီး ရိပေါ်ကျောပြင်ကို ကိုင်လိုက်မိတယ်။ ရိပေါ်ကတော့ ပြုံးတုံ့တုံ့နဲ့ မြင်းကို ဖြေးဖြေးလေး လမ်းပဲလျှောက်ခိုင်းလိုက်တယ်။
သူတို့တစ်လှမ်းခြင်းခရီးဆက်လာတာ နေကခေါင်းပေါ်ရောက်တော့မယ်။ ခရီးကတစ်ဝက်မကျိုးသေးဘူး။ ရှောင်းကျန့်ပန်းလာတယ်။
"မရောက်သေးဘူးလား။"
"ဒီလိုသွားနှုန်းနဲ့ဆို နောက်နေ့မှရောက်မှာ။ တစ်ခုစိုးရိမ်တာ။ တောခြောက်မှာကိုပဲ။"
"ဘာ ! အဲ့တာဆိုဘာလို့မြန်မြန်မသွားတာလဲ။"
"သခင်လေးပဲ..."
"ခုမြန်မြန်သွား။"
ရိပေါ်ချက်ချင်းပဲ မြင်းကိုအရှိန်တင်လိုက်တယ်။ တစ်ဆက်တည်းသူ့ ခါးပေါ်ကိုရှောင်းကျန့်လက်တွေက ရောက်လာပြီး ရိပေါ်ခန္တာကိုယ်လေးတောင့်တင်းသွားရတယ်။ပြီးတော့ ကျောပြင်လေးပါနွေးသွားတယ်။ သခင်လေးကသူ့ရင်ဘက်နဲ့ ရိပေါ်ကျောကိုကပ်လိုက်တာကြောင့်ဖြစ်တယ်။
