တစ်ဦးတည်းသောသတို့သမီး[completed]

Part.5

Unicode

မှိုင်းနဲ့ဖွဲ့တို့ရှိနေတဲ့အိမ်ထဲသို့တေးအပါအဝင်နှစ်ဖက်မိဘတွေပါရောက်လာကြလေ၏။

အိမ်ထဲရောက်တာနဲ့သူ့သားရဲ့တပည့်ကျော်နှစ်ကောင်ကဧည့်ခန်းထဲမှာဝင်ထိုင်နေတာကြောင့်ဒေါ်ခင်သက်ထားသူတို့ဆီသွားကာနားရွက်ကိုဆွဲလိမ်၍

''မြှောက်ထိုးပင့်ကော်နှစ်ကောင် ကိုယ့်ဆရာကမဟုတ်တာလုပ်နေရင်တားမယ်မရှိဘူး''

''ဆရာကတားမရလို့ပါအန်တီရယ်''

''အခုသူဘယ်မလဲ''

''အပေါ်ထပ်မှာ ဒီမှာသော့''

ဒေါ်ခင်သက်ထား သော့ကိုယူ၍သူ့ယောကျ်ားနဲ့ဦးထွန်းမြင့်နိုင်ဘက်လှည့်ကာ

''ရှင်တို့နှစ်​ယောက်နေခဲ့လိုက် မသင့်တော်ဘူး''

ပြောပြီးသူမတို့မိန်းမသားသုံးယောက်ပဲအိမ်ပေါ်ကိုတက်လာခဲ့လိုက်၏။

မှိုင်းတစ်ယောက်သူ့အားရှောင်တိမ်းနေသောဖွဲ့အားအတင်းလိုက်နမ်းနေစဥ်အခန်းရှေ့ကတံခါးဖွင့်သံကြောင့်ခေါင်းထောင်ကြည့်ကာ

''မင်းတို့ကိုဘယ်သူက''

သူ့စကားမဆုံးခင်အခန်းတံခါးပွင့်သွားပြီးသူ့အမေကအပါအဝင်တေးဖွဲ့သီနဲ့ဒေါ်ဝေဝေဦးပါအခန်းထဲဝင်ချလာလေ၏။

''မေမေ တေး''

ဖွဲ့ကိုကြီးကိုတွန်းဖယ်ပြီးကုတင်ပေါ်ကဆင်းကာ

''တေး ငါ ငါပြောတာအရင်နားထောင်ဦးနော် အခုကိစ္စကငါ့ဆန္ဒမပါဘူးနော်တေး''

တေး ဖွဲ့ရဲ့စကားတွေကိုဂရုမစိုက်ပဲမှိုင်းရဲ့အင်္ကျီအားကပိုကရိုဝတ်ထားသောဖွဲ့ကိုကြည့်ကာမျက်နှာတွေရောနားတွေပါနီရဲလာရ၏။
ပြီးတော့ဖွဲ့လည်တိုင်ပေါ်ကmarkingရာ။

''ကဲဟယ်''

''ဖြန်း''

''သမီး!''

တေးရဲ့လက်ဝါးကဖွဲ့ပါးပေါ်သို့အရှိန်အပြင်းဆုံးကျရောက်သွားတာကြောင့်ဖွဲ့ကုတင်ပေါ်ပြန်လဲကျသွားရသည်။

ဒါကိုမြင်လိုက်ရတဲ့မှိုင်းတစ်ယောက်ဒေါသငယ်ထိပ်ဆောင့်တက်သွားရကာတေးဖွဲ့သီအားလက်ပြန်ရို.က်ဖို့ရွယ်လိုက်စဥ်သူ့အမေကသူ့အားဆွဲထားသလိုဒေါ်ဝေဝေဦးကလည်းတေးရှေ့ကာလိုက်၍တေးကံကောင်းသွားရလေသည်။