တစ်ဦးတည်းသောသတို့သမီး[completed]

Part.13

Unicode

အဖေဖြစ်သူကအိမ်ကိုဧည့်သည်လာမှာမို့ဘယ်မှမသွားနဲ့ပြော၍တေးမှာအိမ်ကပ်နေရသည်။

အိမ်ကိုရောက်လာတဲ့ဧည့်သည်ကတစ်ခြားသူမဟုတ်ပဲသူမနဲ့ပြဿနာတက်ဖူးသလိုသူမကိုလည်းကူညီထားဖူးသူပါပဲ။

သူကတေးကိုတွေ့တော့အံ့သြသွားပုံပါပဲ။တေးလည်းအနည်းငယ်အံ့သြသွားပေမယ့်ဟန်ဆောင်နိုင်သည်။

''ကျွန်တော့်နာမည်ကသွေးပါ''

''တေးဖွဲ့သီ''

စကားပြောတာနည်းနည်းလေးမှထောင့်မကျိုးပေမယ့်အဲဒါကပဲသွေးရဲ့မျက်လုံးထဲမှာတစ်မျိုးလေးဖြစ်နေတာပင်။
ဆုံဖူးတာဘယ်နှစ်ခေါက်မှမရှိပေမယ့်မှတ်မှတ်ရရရှိနေတာတော့အမှန်ပင်။

ထိုအခိုက်သူမအဖေဦးထွန်းမြင့်နိုင်ကအိမ်ပေါ်ကဆင်းလာပြီးသွေးဆိုသောအမျိုးသားနဲ့စကားတွေတစ်လေကြီးထိုင်ပြောနေကြ၏။

တေးမှာပျင်းလို့​ေ.သတော့မည်။

သူကဖေဖေနဲ့သာစကားပြောနေပေမယ့်မျက်လုံးကတစ်ချက်တစ်ချက်သူမထံရောက်ရောက်လာ၍တေးမှာမျက်မှောင်အစုံကိုကျုံ့ထားပြီးမကျေနပ်တဲ့အသွင်ကိုတမင်ဆောင်ပြထားရသေးသည်။
ဒါလည်းသူကကြည့်မြဲကြည့်ဆဲပင်။

မုန်းလိုက်ပါဘိ။

သူကတေးတို့ဆီမှာပဲနေ့လည်စာစားသွားပြီးမပြန်ခင်လည်းတေးဆီကဖုန်းနံပါတ်ကိုမရမကတောင်းသွားသေးသည်။

ဘယ်လိုလူမှန်းကိုမသိတာပါ။

___________

တေးအိပ်ရာဝင်မလိုပြင်နေတုန်းကုတင်ဘေးစားပွဲပေါ်ကဖုန်းကမြည်လာ၍ဖုန်းအားလှမ်းယူလိုက်သည်။

''ဟဲလို''

''တေး ကိုယ်ပါ''

''ဘယ်သူ ဪ သွေး''

''မှတ်မိသားပဲ''

''ရှင့်အသံကခွေးချီသွားတောင်မှတ်မိတယ်''

''အဲလောက်ကိုယ့်ကိုသတိထားမိနေတာလား''

''​ေ.သလိုက်လေ ဘာကိစ္စဖုန်းဆက်တာလဲ''

''မင်းပေးလိုက်တဲ့နံပါတ်ကမှန်မမှန်စစ်ဆေးတာလေ''

''အခုစစ်ဆေးပြီးပြီမလား ဒါပဲ''