Every Game

Chapter 9

Chapter 9: Believe

The day has come! I coulnd't contain my feelings. Kabado ako sa maaaring kahinatnan nitong pagpapanggap. Dalawa lang naman 'yon eh. Mapaniwala ko silang kami ni Rocky o mabulilyaso ang pagpapanggap namin. I wouldn't consider the latter one, that would be embarrassing. No. I have come this far and I won't let it be wasted.

Papunta na kami ngayon nina Raf at Ericka sa malapit na coffee shop sa school. They are still clueless. Ang sabi ko lang kasi ay manlilibre ako dahil isa ako sa may pinakamataas na score sa last exam namin.

Surprisingly, Ericka nodded her head without asking. I mean... I don't usually do this. She should be doubting my intention. Minsan lang ako manlibre, sa tuwing birthday ko pa. Madalas ay kanyan-kanya kami kapag lumalabas. Well, except on Ericka, madalas ay si Raf ang sumasalo sa kanya. He does it to me too, but not as often as to his girlfriend.

"Pwede ba kaming um-order kahit na ano?" tanong ni Raf na nakaakbay kay Ericka. Nasa pavement kami, naglalakad. Ako ang nasa bandang kalsada, sa gitna si Ericka at sa dulo si Raf.

"No," sagot ko. "My treat, my choice."

Tumawa siya. "Akala ko pa naman..."

Napatingin ako kay Ericka. Nahuli ko ang ngiti sa kanyang labi. Tinaasan niya ako ng kilay at kinindatan. Mukhang kinikilig siya. Alam ata niya ang dahilan ng libreng ito. Maganda na rin para hindi na ako mahirapang magpaliwanag.

Inalis ni Ericka ang pagkakaakbay sa kanya ni Raf at dumikit sa akin. Kinawit niya ang kamay sa braso ko.

"Makikita na ba namin siya?" pabulong na tanong nito.

As expected, she already knew.

We got in the coffee shop and occupied a four-seater table. Nagsabi agad si Raf ng order niya sa akin pero hinampas siya ni Ericka sa balikat.

"Not yet, babe." She rolled her eyes. "Hindi magandang mauna tayo habang may hinihintay pa."

They both looked at me. Ericka with her mischievous smile and Raf with his confused look.

Nag-vibrate ang phone ko sa bulsa. Pagkalabas ko nito ay isang text message mula kay Rocky ang tumambad sa akin. Napangiti ako nang mabasa ito, pero mas nangibabaw ang kaba.

"Dito na po. Park lang ako ng sasakyan," he said.

Pinagpawisan ako at hindi na mapakali. The play will start in a few. I must do my best to make them believe. Right, that's what will save me from embarrassment.

"Okay, Mad. Rocky is your boyfriend today. You'll formally introduce him to your friends," I mentally reminded myself.

I kept my phone in my bag. Ibinaba ko sa hita ko ang mga kamay kong namamawis.

"Sino ba hinihintay natin?" tanong ni Raf sa akin. "Your brother?"

"Just wait, babe..." Nakangising sabi ni Ericka.

"Ako na lang ba ang hindi nakakaalam sa mangyayari?" tanong pa ni Raf. "Am I not allowed to get spoiled too? Come on, girls."

I shook my head.

"His boyfriend," Ericka said.

Namilog ang mga mata ni Raf bago sumilip ang mapang-asar na ngiti sa labi. "Dalaga na talaga si Maddy Grilliard. May ipapakilala na siya sa atin, oh."

"Shut up," madiin kong sabi na ikinatawa niya.

Nang-aasar pa talaga.

Mayamaya ay sabay-sabay kaming napatingin sa isang lalaking bagong pasok. He was wearing a navy blue polo shirt paired with black pants. And what surprised me the most was... The bouquet of red roses in his arms.