" ဒိတ် သူနဲ့ခပ်ခွာခွာလေး နေပေးပါလား "
" အချိန်တန်ရင် သူက မမမိုးနဲ့ ယူမှာပဲလေ ဒီတစ်လလေးတော့ သူ့အနားနေချင်သေးတယ် "
" ပတ်ဝန်းကျင် အမြင်ကို မင်းတို့ဂရုမစိုက်ဘူးလား "
" အချိန်တန် သူတို့ တိတ်သွားမှာပါ "
" မမ မင်းကို တောင်းပန်နေတာပါ ဒိတ်ရယ် "
" ကျွန်တော်လည်း အနူးအညွတ် ပြန်တောင်းပန်ပါတယ် မမမိုး
ဒီတစ်လလေးပါပဲ "
မိုးက စိတ်ပျက်သွားသလိုနဲ့ သက်ပြင်းချလိုက်သည်။ မိုးနဲ့လာတွေ့တယ်ဆိုတာ မမကို အသိမပေးခဲ့။ ပျင်းလို့ အပြင်ခဏသွားမယ်လို့သာ ပြောခဲ့သည်။
" မင်းတို့ ဒီလိုဆက်နေမယ်ဆို အမနောက်ဆုတ်ပေးရမလား "
ဒီလိုလည်း မဖြစ်နိုင်။ မမကို သူချစ်တဲ့ သူနဲ့ ပေါင်းဖက်စေချင်သည်။ မမကို ဘယ်သူ့ကို ပိုချစ်လဲလို့ မေးလိုက်တိုင်း မိုးကို ပိုချစ်တယ်လို့ ဖြေသည်။ ဘယ်သူ့ကို ယူမလဲဆို မိုးကို။ ဒါကြောင့်မို့ မမမိုးကိုလည်း နောက်မဆုတ်စေချင်။
" ကျွန်တော် နောက်ဆုတ်ပါ့မယ် "
" မင်းတို့ ချစ်တာက ချစ်လို့ရပါတယ် ဒါပေမယ့် မနေ့ညကလို "
မမမိုးက စကားကို ရပ်ထားရင်း ကျွန်တော့်ကို တစ်ချက်ကြည့်သည်။မနေ့ညက မမမိုး မြင်ခဲ့တာပေါ့။
မနေ့ညက ဖုန်းခေါ်ထားတာ မြင်လို့ ဆက်လိုက်တော့ ကျွန်တော့်ကို ဒီနေရာ ချိန်းခဲ့သည်။
" စိတ်ချပါ ကျွန်တော်နောက်ဆုတ်ပေးပါ့မယ်
ဒါပေမယ့် တစ်ခုလောက်ပြောချင်တယ် ဒီဇာတ်လမ်းကို အတင်းစခဲ့တာ ကျွန်တော်ပါ မမနဲ့ဘာမှမဆိုင်ပါဘူး မမအပေါ် နည်းနည်းတောင် စိတ်မကွက်စေချင်ဘူး "
" အင်း "
ကျွန်တော် မမမိုးကို နှုတ်ဆက်ပြီး နေရာမှ ထွက်လာခဲ့သည်။ လမ်းဘေးကွမ်းယာဆိုင်က ဆေးလိပ်ကို ဝယ်ယူပြီး မီးညှစ်ကာ ဖွာနေသည်။ ပြန်ခဲ့တဲ့ လမ်းတစ်လျှောက် ဆေးလိပ်မီးခိုတွေကြောင့် မျက်ရည်များ ဝဲတက်လာသည်။ မျက်ရည်များကို လက်ဖမိုးနဲ့သုတ်ရင်း အားတင်းထားလိုက်သည်။
أنت تقرأ
မမ ( Complete )
العاطفيةမန္တလေးမြေပေါ် ခြေချလိုက်တာနဲ့ ငြိမ်သက်နေတဲ့ နှလုံးသားလေး တစ်ဖန်နိုးကြားလာခဲ့တယ်။ ကျွန်တော့်ရင်ကို ပြန်စမ်းလိုက်တော့ ရင်ခုန်သံက တစ်ဒုတ်ဒုတ်နဲ့။ ကျွန်တော် ကျေနပ်စွာပြုံးရင်း အမရပူရမြို့ကို နှုတ်ဆက်လိုက်တယ် ချစ်သောသူလေး ရှိတဲ့ ချစ်တဲ့အမရပူရရေ ငါတစ်ဖန်...
