အပြစ်​အ​ကြွေး (Our Fault)

အပိုင်း(၅)

ဟန်သာယာစံအိမ်တွင် အားလုံးလူစုံတတ်စုံ​ရောက်​နေကြပြီး လူကြီး​တွေလည်း တစ်​ယောက်မျက်နှာတစ်​​ယောက်မကြည့်နိုင်​လောက်​အောင် မျက်စိပျက်မျက်နှာပျက်​နေကြသည်

"ကိုတာရာဘာမှစိတ်ပူစရာမလိုဘူး...က​လေးနဲ့ သမီး​​လေး နှစ်​​​ယောက်လုံးကို ကျွန်​တော်တို့သားရှင်ဖက်က အကုန်တာဝန်ယူ ပါတယ်...​နောက်လထဲမှာ မဂ်လာ​ဆောင်လို့ရ​အောင်လုပ်​ပေးပါ့မယ်"

စစ်မင်းဟန်၏ဖခင်ဦး​ကျော်စွာဟန်မှစ၍ဤကိစ္စကို​ဖြေရှင်းရန် အ​ဖြေကို​ပေးလိုက်သည်

"အ​ဖေ...​နောက်လကျွန်​တော်ချစ်ဖူးငုံနဲ့ လက်ထပ်ဖို့ရှိတယ်​လေဗျာ..."

၃ လလုံးလုံး ကြိုးစားပန်းစား ကြိုးစားပြီးမှ သူချစ်တဲ့သူ ချစ်ဖူးငုံ နဲ့ လက်ထပ်ဖို့ ခွင့်ပြုချက်ကိုဘယ်လို​တောင်ရခဲ့တာမလို့လည်း...​နေ့ချင်းညချင်း မီးခိုးလို​ပျောက်ကွယ်သွားမည်ကို စစ်မင်းဟန်အဖြစ်မခံနိုင်​​ပေ

"မင်းငါ့ကို လူကြီး​တွေ​ရှေ့မှာမျက်နှာမဖြတ်နဲ့​​နော်...အဲ့​ကောင်မ​လေးနဲ့ မင်းမဂ်လာ​ဆောင်စရာမလို​တော့ဘူး...ဒါ​ပေမဲ့ သမီး ​နွေမဒီ နဲ့​တော့ မင်းလက်ထပ်ကိုလက်ထပ်ရမယ်...မင်းလုပ်ထားတဲ့ကိစ္စ မင်းအပြည့်အဝ တာဝန်ယူရမယ်..."

"​အ​ဖေ..."

"ဘာစကားမှထပ်မ​ပြောနဲ့...ဒါငါ့အမိန့်ပဲ..."

ဟန်သာယာ စံအိမ်မှာ စစ်မင်းဟန် မလွန်ဆန်နိုင်တာ သူ့အ​ဖေရဲ့အမိန့်ပဲဖြစ်သည်

"ဒီမှာကို​ကျော်စွာဟန်....ခင်ဗျားသားမှာလက်ထပ်ဖို့စီစဥ်ထားတဲ့သူရှိတယ်ဆိုတာကျွန်​တော်တို့သိထားပါတယ်...အကယ်၍ ​မောင်စစ်မင်းဟန်အ​နေနဲ့ သမီးမဒီရဲ့ဗိုက်ထဲက က​လေးကိုတာဝန်မယူနိုင်ဘူးဆိုရင်အတင်းအကြပ်မလုပ်ခိုင်းပါနဲ့ ဘာဖြစ်လို့လည်းဆို​တော့ ကျွန်​တော့သမီး​ကော​မြေး​လေးပါကြားထဲက​မြေစာပင်ဖြစ်မှာစိုးလို့ပါ...ရှင်းရှင်း​ပြောရရင် က​လေးကိုတစ်​ယောက်ထဲ​မွေးရမယ်ဆိုလည်း ကျွန်​တော့သမီးကိုကျွန်​တော်​​မွေးခိုင်းမှာဗျ...ကျွန်​တော်တို့အခုလာတာဟာ ​မောင်စစ်မင်းဟန်ရဲ့သ​ဘောထားကိုသိချင်ရုံသပ်သပ်ပါ"