"မဒီ ပြီးပြီလား...မြန်မြန်လုပ်ကိုယ်တို့နောက်ကျနေဦးမယ်"
အခန်းအပြင်ကနေ နာရီ အလန်း လိုမြည်နေတဲ့ သူမခင်ပွန်းကြောင့် အလှပင်ကောင်းကောင်မပြင်ရသေးဘဲ ထွက်လာလိုက်သည်
"ဘာလို့အဲ့လောက်လောနေတာလဲ...မဒီဖြင့်သေသေချာချာတောင်အလှမပြင်ရသေးဘူး"
"ကိုယ့်မိန်းမကအလှမပြင်လည်းလှတယ်..."
"ကိုကိုနော်...လျှောက်မြှောက်မနေနဲ့...မှန်မှန်ဖြေ ဒီလောက်လောနေတာ ရည်းစားဟောင်းလာမှာမလို့လား"
"ဟာ...မဟုတ်ရပါဘူးဗျာ...အထင်မလွှဲလိုက်ပါနဲ့"
"ပြီးရော..."
"လာသွားကြမယ်...သမီးလေးတောင်ကားပေါ်ရောက်နေပြီ"
မိသားစုသုံးယောက်စီးလာတဲ့ အနက်ရောင်ကားလေးသည် ခြံတစ်ခြံအရှေ့ရောက်တော့ ရပ်လိုက်ပြီး ခြံထဲသို့ဝင်လာကြသည်။ ညနေစောင်းချိန်ဖြစ်၍ ခြံဝင်းထဲတွင်အလှဆင်ထားသောမီးသီးလေးတွေကြောင့် အလွန်လှပနေပြီး ဧည့်သည်အနည်းငယ်လည်းရောက်ရှိနေပြီဖြစ်သည်
စစ်မင်းဟန်သည် သုန်သုန်လေးကိုချီပြီး မဒီ့ကိုလက်တွဲကာဝင်လာတော့ ဧည့်သည်တွေအကုန် ငေးကြည့်ကြသည်
"အမယ်လေး နင့်တို့မိသားစုကြည့်ရတာဒီနေ့အရမ်းထူးဆန်းနေပါလား"
အိမ်ထဲမှထွက်လာသော အင်္ကျီလည်ကတုံးဖြူ၊ ရွှေရောင်ပုဆိုးဝတ်ထားတဲ့ ကိုအောင် က ပြောလာသည်
"ဒီလိုပဲလေ အဖြေရှာတွေ့သွားတယ်ပဲပြောရမလား"
စစ်ကပြန်ဖြေတော့
"အေး...အခုမှပဲ မဒီလည်း တောက်တောက်ပပ လေးရှိဘာတော့တယ်"
"ကျွန်နော့်မိန်းမက အရင်ကတည်းကတောက်ပတာပါနော်"
စစ်အပြောကြောင့် ကိုအောင်ရယ်မိသည်
"အေးပါ...အေးပါ...ဆရာသမားရယ် မင်းမိန်းမဘယ်လောက်တောက်ပပ ဒီပွဲရဲ့သခင်မဖြစ်တဲ့ငါ့မိန်းမလောက်ဘယ်သူကများပိုတောက်ပနိုင်မှာလဲ..."
YOU ARE READING
အပြစ်အကြွေး (Our Fault)
Romanceမထင်မှတ်ပဲ ကြူးလွန်မိလိုက်တဲ့ အမှားတစ်ခုကြောင့် တစ်ယောက်ဘဝကိုတစ်ယောက်တာဝန်ယူလိုက်ရတဲ့အခါမှာ စစ်မင်းဟန် နဲ့ နွေမဒီ တို့နှစ်ယောက် သူတို့ရဲ့အပြစ်အကြွေးတွေကိုအပြန်အလှန်ဆပ်ရင်း သူတို့ရဲ့အိမ်ထောင်ကိုဘယ်လိုရှေ့ဆက်ကြမလဲ မထင္မွတ္ပဲ ၾကဴးလြန္မိလိုက္တဲ...