ထိုညတစ်ညလုံး စစ် အိမ်ကိုပြန်မလာခဲ့ပါ။ နွေမဒီ မှာလည်း စစ် နဲ့ ချစ်ဖူးငုံ တို့အတူတူရှိနေကြမလားဆိုတဲ့အတွေးတွေနဲ့ မနက်မိုးလင်းသည်အထိ သူမ အိပ်မရခဲ့
ကျွီ...
အခန်းတံခါးပွင့်သံကြားရသည်။ တံခါးကိုကျောပေးထားတာကြောင့် ဘယ်သူဝင်လာလည်းဆိုတာကိုသူမ မသိပါ၊ သိလည်းမသိချင်ပါ၊ အခုချိန်မှာ အိပ်ချင်ယောင်ဆောင်ပြီး တစ်ယောက်ထဲသာနေချင်နေမိပါသည်
သူမ မျက်လုံးနှစ်စုံကိုမိတ်ပြီး နေနေသော်လည်း အခန်းထဲကိုဝင်လာတဲ့သူရဲ့လှုပ်ရှားသံတွေကိုသာသူမအာရုံထားနေခဲ့မိသည်။ ဗီဒိုဖွင့်သံ၊ ရေချိုးခန်းတံခါးဖွင့်သံ၊ ရေချိုးခန်းထဲကရေကျသံတွေကိုကြားရတဲ့အချိန်မှာ စစ်မင်းဟန်ပြန်လာပြီဆိုတာကို မဒီ သိလိုက်သည်၊ မဒီ့အတွေးထဲမှာတော့ သူနှင့်မတွေ့ချင်တာကြောင့် ဘယ်လိုရှောင်ရမလဲဆိုတာကိုသာ တွေးနေခဲ့သည်
တအောင့်ကြာတော့ ရေချိုးခန်းထဲကသူထွက်လာပြီး သူ့ဘေးကနေရာမှာလာဝင်အိပ်သည်
"မဒီ...နိုးနေတာလား"
သူ့အသံကိုကြားတော့ မဒီတုန်လှုပ်သွားသည်၊ မဒီ့ ခန္ဓာကိုယ်လှုပ်သွားသည်
"မဒီ ကိုယ်ပြောတာကြားလား"
"..."
မဒီနိုးနေမှန်လည်းသိတယ် သူ့ကိုအဖက်လည်းပြန်မလုပ်တာကြောင့် စစ် ရဲ့စိတ်ထဲတစ်ခုခုကိုစိတ်ထင့်သွားသည်
"နိုးနေတာတောင် ဆက်အိပ်နေတာ...နေမကောင်းလို့လား"
"..."
မဒီ့ဆီက ဘာစကားမှပြန်မကြားရပါ
"တစ်ခုခုဖြစ်ထားလို့လား"
"..."
သည်တစ်ခါလည်းပြန်မဖြေပါ
"မင်းမပြောပြချင်လည်းနေပါ...ဒါမှမဟုတ် မင်းနားချင်လို့ဘာမှမပြောတာဆိုလည်းမနှောက်ယှက်တော့ပါဘူး"
သူ့ဘာသာပြောစရာရှိတာတွေပြောဆိုပြီး စောင်ခြုံကာအိပ်ပျော်သွားသည်
STAI LEGGENDO
အပြစ်အကြွေး (Our Fault)
Storie d'amoreမထင်မှတ်ပဲ ကြူးလွန်မိလိုက်တဲ့ အမှားတစ်ခုကြောင့် တစ်ယောက်ဘဝကိုတစ်ယောက်တာဝန်ယူလိုက်ရတဲ့အခါမှာ စစ်မင်းဟန် နဲ့ နွေမဒီ တို့နှစ်ယောက် သူတို့ရဲ့အပြစ်အကြွေးတွေကိုအပြန်အလှန်ဆပ်ရင်း သူတို့ရဲ့အိမ်ထောင်ကိုဘယ်လိုရှေ့ဆက်ကြမလဲ မထင္မွတ္ပဲ ၾကဴးလြန္မိလိုက္တဲ...