မဒီ့ရဲ့ရင်ထဲကစကားတွေကိုသူသိအောင်ပြောလိုက်ပြီးတဲ့နေ့ကစပြီး မဒီ့ ကို သူ ပိုပိုဂရုစိုက်ပေးလာကိုမဒီ သတိထားမိသည်"မဒီ...ဒီနေ့ဘယ်သွားစရာရှိလဲ"
ထူးထူးဆန်းဆန်းမေးလာတော့
"မရှိပါဘူး...ဘာဖြစ်လို့လဲ"
"မဟုတ်ပါဘူး...မင်းများမင်းအမေဆီသွားချင်မလားလို့မေးမလို့"
သူပြောတော့မှ ဒီနေ့ဟာ မေမေ့ရဲ့နှစ်ပတ်လည်နေ့မှန်သူမသတိရသည်
"ဟုတ်သား...ဒီနေ့ကမေ့မေ့နေ့ပတ်လည်နေ့ပဲ"
"အင်း..."
မဒီ့ အကြောင်းတွေဆို မသိသလောက်ရှားတဲ့ သူက မေမေ့နဲ့နှစ်ပတ်လည်နေ့ကိုသိနေတော့မဒီ့အတွက်ထူးဆန်းနေသည်
"ဒါနဲ့ ကိုစစ် ကဘယ်လိုသိတာလဲ"
"ကိုအောင်ပြောတာလေ..."
"သြော်..."
"မင်းသွားချင်လား မသွားတာလည်းကြာပြီမလား"
"အင်း...ဒါနဲ့ အစ်ကိုက လိုက်ပို့ဖို့အားလို့လား"
"အားတယ်...ဒီနေ့ရုံးခန်းပြင်နေလို့ ခွင့်ယူထားတာ"
"သြော်"
"မင်းသွားမယ်ဆိုအဝတ်လဲတော့လေ...ကိုယ်တို့လမ်းမှာ ပန်းလဲဝင်ဝယ်ရဦးမှာမလား"
"ဟုတ်...ဟုတ်"
မေ့မေ့ဆီမသွားတာ တော်တော်ကြာခဲ့ပြီဖြစ်တာကြောင့် မဒီ့ ရင်ထဲ လွမ်းဆွတ်မှုနဲ့ စိတ်လှုပ်ရှားမှုရောလျက်နေသည်၊ အထူးသဖြင့် ကိုယ်ရင်ခုန်ရတဲ့ သူ က လိုက်ပို့ပေးမှာဖြစ်တဲ့အတွက် မဒီ ပိုလို့တောင်ရင်ခုန်မိသည်
ရေဝေးသုသာန်ကိုရောက်တော့ မေမေ့ အုတ်ဂူရှိရာကိုမနည်းရှာလိုက်ရသည် အချိန်တော်တော်ကြာခဲ့ပြီဖြစ်တာကြောင့် အတွင်းထဲကိုတော်တော်ဝင်ရသည်
"ဟယ် မေမေ့အုတ်ဂူလေးကိုသန့်ရှင်းရေးလုပ်ပေးထားတာလား"
မေမေ့အုတ်ဂူလေးကိုတွေ့တွေ့ချင်း ဖြူဖွေးသန့်ရှင်းနေတာကြောင့် ပီတိစကားကိုဦးစွာထုတ်ပြောမိသည်
ESTÁS LEYENDO
အပြစ်အကြွေး (Our Fault)
Romanceမထင်မှတ်ပဲ ကြူးလွန်မိလိုက်တဲ့ အမှားတစ်ခုကြောင့် တစ်ယောက်ဘဝကိုတစ်ယောက်တာဝန်ယူလိုက်ရတဲ့အခါမှာ စစ်မင်းဟန် နဲ့ နွေမဒီ တို့နှစ်ယောက် သူတို့ရဲ့အပြစ်အကြွေးတွေကိုအပြန်အလှန်ဆပ်ရင်း သူတို့ရဲ့အိမ်ထောင်ကိုဘယ်လိုရှေ့ဆက်ကြမလဲ မထင္မွတ္ပဲ ၾကဴးလြန္မိလိုက္တဲ...