သုန်သုန်လေး နဲ့ သူ့အမေ မဒီ ကတော့ ညနေက အပြင်မှာသွားစားပြီး ပြန်လာကတည်းက ဆော့ပြီး အိပ်ပျော်သွားကြသော်လည်း လုပ်စရာအလုပ်ရှိသေးတဲ့ စစ်မင်းဟန် မှာတော့ အလုပ်ခန်းထဲမှာပြင်သစ်က ပရောဂျက်အတွက် စစ်ဆေးစရာတွေစစ်ဆေးနေသည်။ အလုပ်လုပ်ရင်း ညောင်းညာလာတော့ ခြံပြင်ထွက်လမ်းလျှောက်ရင်း facebookကို ကြည့်မိသည်
နေ့လည်က သူသွားအပ်ထားတာကို မဒီ က လက်ခံလိုက်လို့တက်လာတဲ့ Noti ကိုတွေ့တော့ မဒီ့ အကောင့်ထဲကိုဝင်ကြည့်မိသည်
တင်တားတဲ့ပုံတွေရှိပေမဲ့ နောက်ဆုံးတင်ခဲ့သောပုံမှာ လွန်ခဲ့တဲ့ ၄ နှစ်ကဖြစ်သည်။ ပုံအများစုသည် မြန်မာနိုင်ငံမဟုတ်သော နေရာဒေသတွင်ရိုက်ထားသောပုံတွေဖြစ်ပြီး ထိုပုံတွေထဲမှာ သူမပြုံးနေခဲ့သည်။ အရင်က မဒီ့ ရဲ့ပုံတွေကိုပြန်ကြည့်တဲ့အခါ ပုံတိုင်းမှာ သူမ ပြုံးနေခဲ့သည်။ အရွယ်ငယ်ချိန် လူငယ်တစ်ယောက်ရဲ့အလှအပတွေကို ထင်ထင်ရှားရှားမြင်ရပြီး ထိုအလှအပတွေကို ယခုအချိန်ထိထိမ်းထားနိုင်တာကိုလည်း စစ် အံ့သြမိသည်။ ထို့နောက် story highlight တွေထဲဝင်ကြည့်တော့ အင်ဂျင်နီယာကျောင်းသူတစ်ယောက်ဖြစ်ရတာကို ဂုဏ်ယူစွာတင်ထားပြီး သူဘွဲရတဲ့အချိန်ကပုံမှာ..."toward a next step (နောက်အဆင့်တစ်ဆင့်ဆီသို့) ဆိုပြီးရေးထားတာတွေတွေ့ရတော့ သူ့စိတ်ထဲ စိတ်မကောင်းဖြစ်မိသည်။ အရင်ကအမြဲပျော်ခဲ့တဲ့ကောင်မလေးကနေ မထင်မှတ်ထားတဲ့အမှားကြောင့် ညိုးနွမ်းတဲ့ ပန်းကလေးဖြစ်ခဲ့ရတာသူ့အမှားမကင်းတဲ့အတွက်သူအားနာနေမိသည်။
"မင်းကိုဆပ်ရမည့် အကြွေးတွေအများကြီးကျန်သေးပါလား...နွေမဒီရယ်"
ဤစကားကို စိတ်ထဲကအကြိမ်ကြိမ်ရေရွတ်မိပေမဲ့...နွေမဒီ လိုချင်တာ သူ့အချစ် တစ်ခုပဲ၊ ဤအချစ်ကပဲဒီအကြွေးတွေကိုရှင်းပေးနိုင်တာ သူမသိခဲ့ပါ
ရင်ထဲကိုထည့်ဖို့နေရာမပေးပဲ မဆန့်ဘူးမဆန်းဘူးဆိုပြီး ငြင်းဆန်နေပြီးတော့ သူ ဘယ်လိူများ ဤအကြွေးတွေကိုဆပ်မည်နည်း
YOU ARE READING
အပြစ်အကြွေး (Our Fault)
Romanceမထင်မှတ်ပဲ ကြူးလွန်မိလိုက်တဲ့ အမှားတစ်ခုကြောင့် တစ်ယောက်ဘဝကိုတစ်ယောက်တာဝန်ယူလိုက်ရတဲ့အခါမှာ စစ်မင်းဟန် နဲ့ နွေမဒီ တို့နှစ်ယောက် သူတို့ရဲ့အပြစ်အကြွေးတွေကိုအပြန်အလှန်ဆပ်ရင်း သူတို့ရဲ့အိမ်ထောင်ကိုဘယ်လိုရှေ့ဆက်ကြမလဲ မထင္မွတ္ပဲ ၾကဴးလြန္မိလိုက္တဲ...