Unicode
သိပ်မကြာခင်မှာပဲမမသမုရဲ့မင်္ဂလာပွဲသို့ရောက်ရှိလာလေ၏။
ကိုကိုကတော့မမမင်္ဂလာပွဲကိုမတက်ခဲ့ပါ။မမကလည်းကိုကို့ကိုလုံးဝမမေးသလိုမိုးသားကိုလည်းဟိုအရင်ကလောက်ဟပ်ဟပ်ပက်ပက်မရှိပေ။
မမကမိုးသားကိုအကြီးအကျယ်စိတ်ဆိုးနေတုန်းပဲထင်ပါရဲ့။''သမီးငယ် သမီးအဆင်ပြေရဲ့လား လူကအရင်ကထက်ပိန်သွားသလိုပဲနော်''
မေမေကသူမအားဂရုဏာသက်စွာကြည့်ရင်းမေးလာလေ၏။
မေမေလည်းမိုးသားနဲ့ကိုကိုဘာလို့လက်ထပ်ခဲ့ရလဲသိတဲ့အတွက်သမီးဖြစ်သူစိတ်ဆင်းရဲနေရှာမှာစိုးရိမ်နေပုံပါပဲ။မိုးသားလည်းမေမေစိတ်ပူနေမှာစိုး၍အလှဆုံးပြုံးကာ
''မိုးသားအဆင်ပြေပါတယ်မေမေ ကိုကိုကမိုးသားကိုဂရုစိုက်တယ်''
''ဟုတ်ပါပြီ အဲလိုဆိုတော့မေမေလည်းစိတ်အေးရတာပေါ့''
မိုးသား ဧည့်သည်တွေကိုလိုက်ဧည့်ခံနေတဲ့မမကိုကြည့်မိတော့များစွာစိတ်မကောင်းဖြစ်ရသည်။
မမနှုတ်ခမ်းတွေကပြုံးနေပေမယ့်မျက်ဝန်းတွေကသိသိသာသာကိုဝမ်းနည်းနေခဲ့တာ။
ထိုမင်္ဂလာပွဲမှာရှိနေတဲ့သူတွေအားလုံးမသိလိုက်တာက ဘယ်သူမှမမြင်နိုင်တဲ့နေရာကနေတိမ်ယံတစ်ယောက်သမုကိုလာကြည့်နေခဲ့တယ်ဆိုတာပါပဲ။
သူအရင်ကစိတ်ကူးယဥ်ခဲ့ဖူးသလိုသမုကသတို့သမီးဝတ်စုံလေးနဲ့အရမ်းလှနေ၏။
သတို့သားကတော့တစ်ခြားတစ်ယောက်ဖြစ်နေပေမယ့်ပေါ့။သူတို့ကဘယ်တော့မှပြန်မဆုံနိုင်တော့မယ့်လမ်းနှစ်သွယ်ကိုကိုယ်စီရွေးချယ်လိုက်ကြပြီ။
__________
မိုးသားမင်္ဂလာဆောင်ကပြန်ရောက်တော့ကိုကိုကဧည့်ခန်းထဲမှာမူးကွဲနေ၍ဒါဘာကြောင့်ဆိုတာမိုးသားသိပြီးသားမို့ဘာမှလည်းမေးမနေသလိုဘာမှလည်းမပြောပဲအိမ်ပေါ်တက်လာမလို့လုပ်တုန်း ကိုကိုက
''ဒီကိုကြွမြန်းခဲ့ပါဦး''
မိုးသားကိုကို့အားလှည့်ကြည့်ပြီးမှသက်ပြင်းသဲ့သဲ့ချကာဧည့်ခန်းဆီလျှောက်သွားလိုက်၏။
YOU ARE READING
အချစ်တွေကအပြစ်ဖြစ်ခဲ့လေသလား[completed]
Romance(completed) ကိုယ့်ဖက်ကအချစ်တွေကစစ်မှန်ပေမယ့် တစ်ဖက်ကမလိုချင်တဲ့အခါ