Unicode
ပျောက်သောသူရှာရင်တွေ့ဆိုပေမယ့်တမင်ရှောင်ပြေးနေသူအတွက်ကတော့ဘယ်လိုများရုပ်လုံးထွက်ပြပါ့မလဲ။
အခုဆိုမိုးသားထွက်သွားတာတစ်လမှနှစ် နှစ်လမှသုံးလဆိုတဲ့အချိန်ကာလတစ်ခုကိုရောက်နေပြီပင်။
သူမကိုလိုက်ရှာနေသာတွေအဖို့မှာတော့အချိန်ကြာလေရင်ပူရလေပါပဲ။
တစ်ခါတစ်လေတွေးမိတယ်။မိုးသားတစ်ယောက်အသက်ရှင်လျက်မှရှိနေသေးရဲ့လားလို့။
မြန်မာတစ်နိုင်ငံလုံးနီးပါးလိုက်ရှာနေပေမယ့်သူမသတင်းကိုအစအနပင်မကြားရ။
''အရှောင်ကောင်းလိုက်တာမိုးသားရယ်''
ဧည့်ခန်းထဲချိတ်ဆွဲထားတဲ့သူမဓာတ်ပုံကိုကြည့်ပြီးတိမ်ယံတီးတိုးရေရွတ်မိ၏။
အချစ်ကြီးလို့အမျက်ကြီးသွားလေသလားလို့သူမိုးသားနဲ့မျက်နှာချင်းဆိုင်ပြီးမေးလိုက်ချင်သည်။''တိမ်ယံ''
သူလှည့်မကြည့်မိပါ။
သမုကသူ့နားလာရပ်၍မိုးသားဓာတ်ပုံကိုကြည့်ကာ
''နင့်စိတ်ထင် မိုးသားကငါတို့ကိုစောင့်နေမယ်လို့ထင်လား''
''သမု ငါဘာလို့ဒီလောက်ထိညံ့နေရတာလဲ မိန်းကလေးတစ်ယောက်ကိုတွေ့အောင်မရှာနိုင်တဲ့အထိ ငါကအရမ်းညံ့ဖျင်းလွန်းနေပြီ''
''အဲဒါကတော့ငါတို့အားလုံးအတူတူပါပဲတိမ်ယံ သူကတမင်တိမ်းရှောင်နေတာကိုး အဲတော့ငါတို့မတွေ့နိုင်တဲ့နေရာမှာပဲပုန်းနေမှာပေါ့''
တစ်ဖက်မှာတော့မိုးသားမှာအတော်လေးကျန်းမာရေးချို့ယွင်းနေပြီဖြစ်သည်။
တွယ်တာလည်းမကြာခင်ကမှအကြောင်းစုံသိရ၍အတော်လေးစိတ်မကောင်းဖြစ်ရ၏။''အဟွတ် အဟွတ်''
ပါးစပ်ကိုလက်ကိုင်ပုဝါနဲ့အုပ်ကာချောင်းဆိုးနေသောသူမနားသို့တွယ်တာအမြန်သွားလိုက်ပြီး
''ရရဲ့လားမိုးသား''
မိုးသားပုဝါကိုဖယ်လိုက်ချိန်မှာသွေးစတွေကပုဝါမှာစွန်းထင်းလာလေ၏။
YOU ARE READING
အချစ်တွေကအပြစ်ဖြစ်ခဲ့လေသလား[completed]
Romance(completed) ကိုယ့်ဖက်ကအချစ်တွေကစစ်မှန်ပေမယ့် တစ်ဖက်ကမလိုချင်တဲ့အခါ