Unicode
တိမ်ယံအိမ်ပြန်ရောက်ချိန်မှာမိုးသားနဲ့သတိုးရာဇာတို့ကခြံရှေ့မှာရယ်မောပြုံးရွှင်ကာစကားပြောနေတာအားသူခပ်လှမ်းလှမ်းကနေကားကိုရပ်ကာလှမ်းကြည့်နေလိုက်သည်။
သူကြည့်နေတုန်းသတိုးရာဇာကမိုးသားခေါင်းကိုကိုင်ကာဆံပင်တွေကိုဖွလိုက်တာကြောင့်တိမ်ယံ့စိတ်ထဲဘာကိုအလိုမကျမှန်းမသိ။
သူ့ကားကိုတောင်မမြင်ရလောက်တဲ့ထိမွှန်နေကြတာပဲ။
''ငါသွားတော့မယ် မနက်ဖြန်ကျရင်လည်းအရန်သင့်လုပ်ထား ငါလာခေါ်မယ်''
''အင်းပါ ဘိုင့်ဘိုင်''
မိုးသားလည်းသတိုးကိုနှုတ်ဆက်ပြီးခြံထဲဝင်ခဲ့လိုက်၏။
ပြီးတော့သူမကိုကို့ကားကိုမြင်ပါတယ်။တမင်မမြင်ချင်ယောင်ဆောင်လိုက်တာ။သူမအိမ်ထဲရောက်တော့မီးဖိုခန်းထဲဝင်ခဲ့ပြီးရေခဲသေတ္တာထဲကရေဗူးအားယူကာရေသောက်နေတုန်း နောက်ပါးဆီမှ
''မင်းဘယ်ကပြန်လာတာလဲ''
သူမကရေကိုသာဆက်သောက်နေပြီးသူ့အားဂရုမစိုက်တာကြောင့်တိမ်ယံစိတ်မရှည်စွာနဲ့သူမလက်ထဲကရေဗူးကိုဆွဲယူလိုက်ရာရေတွေကသူမကိုယ်ပေါ်ဖိတ်ကျကုန်ပြီးရေပါသီးသွားရလေသည်။
''အဟွတ် ဟွတ်''
''မိုးသား''
တိမ်ယံသူ့ကိုယ်သူပင်မသိလိုက်ပဲသူမပုခုံးအားကိုင်ကာစိုးရိမ်တကြီးခေါ်လိုက်မိ၏။
မိုးသားကသူ့လက်ထဲကိုဖယ်ချပစ်ပြီးသူ့ကိုပါတွန်းလွှတ်ကာ
''သွား လာမထိနဲ့''
''မိုးသားချို''
''ဘာလဲ မိုးသားကိစ္စတွေကိုဘယ်တုန်းကစိတ်ဝင်စားသွားတာလဲ''
''မေးချင်လွန်းလို့မေးနေတာမဟုတ်ဘူး ငါတို့ကပတ်ဝန်းကျင်နဲ့နေတာ မင်းအဲလိုသူစိမ်းယောကျ်ားနဲ့အမြဲသွားလာနေ ကြာလာရင်ပတ်ဝန်းကျင်မှာပြောစရာဖြစ်မယ် မင်းနားလည်လား''
''ဂရုမစိုက်ဘူး အပြောခံရမှာမိုးသားလေ ကိုကိုမှမဟုတ်တာ အဲလိုဖြစ်ခဲ့ရင်တစ်လောကလုံးမှာကိုကိုကအပျော်ဆုံးဖြစ်နေမှာပဲမဟုတ်ဘူးလား ပြီးတော့သတိုးကသူစိမ်းမဟုတ်ဘူး သူနဲ့မိုးသားရဲ့ဆက်ဆံရေးကကိုကို့ထက်တောင်ပိုပြီးရင်းနှီးလေးနက်သေးတယ်''
ŞİMDİ OKUDUĞUN
အချစ်တွေကအပြစ်ဖြစ်ခဲ့လေသလား[completed]
Romantizm(completed) ကိုယ့်ဖက်ကအချစ်တွေကစစ်မှန်ပေမယ့် တစ်ဖက်ကမလိုချင်တဲ့အခါ