Unicode
မိခင်ဖြစ်သူရဲ့နာရေးပြီးသည်အထိမိုးသားကလုံးဝမငိုခဲ့ပါ။
အကုန်လုံးကသူမစိတ်ကိုတင်းထားသည်အထင်နှင့် ငိုချလိုက်ပါပြောနေကြပေမယ့်သူမပုံစံကစိတ်တင်းထားတာမဟုတ်ပဲစိတ်ပေါ့ပါးနေတာဆိုတာတိမ်ယံတစ်ယောက်သာသိခဲ့သည်။''မိုးသား မင်းဘာလုပ်နေတာလဲ''
အဝတ်တွေအားခရီးဆောင်အိတ်ထဲထည့်နေသောသူမအားတိမ်ယံနားမလည်သည့်ဟန်နှင့်မေးလိုက်မိ၏။
''မိုးသားမဝတ်တော့တဲ့အင်္ကျီတွေပါ သူများကိုလှူမလို့''
''မင်းသေချာလို့လား''
''သေချာပါတယ်''
''အဲဒါဆိုလည်းအဲဒါတွေထားခဲ့ ညနေစာလားစား''
''မိုးသားဗိုက်မဆာဘူး''
''မင်းအစားမစားလို့မရဘူး မင်းကိုယ်မင်းပြန်ကြည့်ဦး ပိန်လိုက်တာအရိုးချည်းဖြစ်နေပြီ''
''မိုးသားမစားချင်ဘူး ဗိုက်မဆာဘူး မိုးသားကိုယ့်ခန္ဓာကိုယ်နဲ့ကိုယ်ပိန်တာ ကိုကို့ကိုဘာထိခိုက်နေလို့လဲ''
တိမ်ယံကလက်သီးကိုကျစ်ကျစ်ပါအောင်ဆုပ်၍
''အေးပြီးတာပဲ မင်းထိခိုက်မှာစိုးလို့ငါကပြောတာ လက်ခံတာလက်မခံတာကမင်းသဘောပဲ မင်းကမင်းအကောင်စကားတစ်ခုပဲနားထောင်တာမလား''
''ဟုတ်တယ် ကိုကိုသိရင်လည်းပြီးတာပဲ''
''တောက်!''
တိမ်ယံကမေးကြောတွေထောင်သည်ထိအံကြိတ်ပြီးတောက်တစ်ချက်ခေါက်ကာသူမအခန်းထဲမှထွက်သွားလေသည်။
ကိုကိုထွက်သွားမှမိုးသားလည်းစာကြည့်စားပွဲဆီလာကာအရန်သင့်ဝယ်ထားသောဗလာစာအုပ်နဲ့ဘောပင်လေးအားကိုင်ကာစာတစ်ချို့အားစာအုပ်ထဲချရေးလိုက်၏။
တစ်စုံတစ်ခုကိုအတည်ပြုပြီးတဲ့အခါ သူမ,ထွက်သွားရဖို့သေချာပြီဆိုရင်အားလုံးအဆင်သင့်ဖြစ်စေဖို့ပါ။
_______________
''မိုးသား နင်အခုအန်တီ့ကြောင့်ခံစားနေရမယ်ဆိုတာငါသိတယ် ဒါပေမယ့်နင်ကိုယ့်ကိုယ်ကိုလည်းကျန်းမာအောင်လုပ်ရမယ်လေ ငါသွေးကင်ဆာအကြောင်းလေ့လာပြီးပြီ အဲဒါကသေချာကုရင်ပျောက်တယ်တဲ့ ငါတို့အချိန်မဆွဲဲပဲဆေးရုံသွားရအောင်ပါ''
YOU ARE READING
အချစ်တွေကအပြစ်ဖြစ်ခဲ့လေသလား[completed]
Romance(completed) ကိုယ့်ဖက်ကအချစ်တွေကစစ်မှန်ပေမယ့် တစ်ဖက်ကမလိုချင်တဲ့အခါ