💜 6 💜
"ကျွန်တော် သဘောတူမပေးနိုင်ဘူး နည်းပြကြီး"
" ခေါင်းမမာစမ်းနဲ့ Jungkook ...ဒါ မင်းခေါင်းမာနေတာနဲ့ ပြီးမယ့် ကိစ္စမဟုတ်ဘူး... သူတို့ပြောတဲ့အတိုင်း သဘောတူပေးလိုက်ပါ "
" ဟင့်အင် ကျွန်တော့်ဘက်ကတော့ လုံးဝပဲ "
" ဘာလို့ အဲ့လောက် ခေါင်းမာနေတာလဲ Jungkook ရယ်... မင်းသာ ခေါင်းလေး တစ်ချက်ပဲ ညိမ့်လိုက် ကျန်တာ မင်းအတွက် အောင်မြင်ဖို့ အခွင့်အလမ်းကောင်းတွေချည်းပဲ "
"ဘာကို အခွင့်အလမ်းကောင်းလဲ နည်းပြကြီး... နည်းပြကြီးကို လက်လွှတ်ပြီးတော့မှ... ကျွန်တော် တစ်ယောက်ထဲ လျှောက်ရမယ့်လမ်းက ဘယ်လောက်ပဲ အောင်မြင်မှုတွေ ရှိနေပါစေ ကျွန်တော့်အတွက်က အလကားပဲ ဗျ "
" Jungkook ရယ်... ငါ့ စေတနာကို နားလည်စမ်းပါကွာ"
" နည်းပြကြီး မပါရင် ကျွန်တော် ဘယ် ကြိုးဝိုင်းထဲမှာမှ ပျော်နိုင်မယ် မထင်ဘူး... ဖေဖေ မရှိတော့တဲ့ အချိန်ကတည်းက ဖေဖေ့ တပည့်ဖြစ်တဲ့ နည်းပြကြီးကပဲ ကျွန်တော့်ကို အစစအရာရာ လမ်းပြခဲ့တာ မဟုတ်ဘူးလား... ဖေဖေ ဆုံးပါးသွားလို့ ယိမ်းယိုင်သွားခဲ့တဲ့ ကျွန်တော့််ဘဝကို နည်းပြကြီးပဲ ပဲ့ကိုင်ပေးခဲ့တာ မဟုတ်ဘူးလား "
" ဟုတ်တော့ ဟုတ်ပေမယ့်..."
" ဟုတ်တယ်ဆိုရင် ဘာလို့လဲ... ဘာလို့ အခုမှ ကျွန်တော့်ဘေးက ထွက်သွားချင်ရတာလဲ... နည်းပြကြီး ကျွန်တော့်ကို တာဝန်မယူချင်တော့လို့လား... ကျွန်တော် နည်းပြကြီးအပေါ် အရမ်းဆိုးခဲ့မိလို့လား... နည်းပြကြီး မကြိုက်တာတွေ ကျွန်တော် ဆင်ခြင်မှာမို့ ကျွန်တော့််ကိုတော့ ဒီ ကြိုးဝိုင်းတွေပေါ် တစ်ယောက်ထဲ မလွှတ်လိုက်ပါနဲ့ နည်းပြကြီးရယ်... "
ဒီ တစ်ယူသန်ကလေးကို သူ ဘယ်လို ဖျောင်းဖျရပါ့မလဲ...
သူ ကောင်းစားဖို့ ပြောနေတယ်ဆိုတာလဲ သိရက်နဲ့ တမင် ခေါင်းမာနေတဲ့ ကလေး...
