💜 12 💜
Meeting ပြီးသွားပြီမို့ ဒါရိုက်တာ အဖွဲ့ဝင်တွေ အခန်းထဲက အလျှို အလျှို ထွက်သွားကြပေမယ့် ခုထိ ငုတ်တုတ်ကြီး ထိုင်နေတဲ့ လူတစ်ယောက် ရှိနေသေးတယ်။ သူကတော့...
စားပွဲရဲ့ထိပ်ဆုံးမှ CEO ထိုင်တဲ့ ဆုံလည်ကုလားထိုင်ပေါ် တောင့်တောင့်ကြီး ထိုင်ကာ ဖုန်းထဲက ပို့လိုက်တဲ့ အချက်အလက်တချို့နဲ့ ဓာတ်ပုံလေးတွေကို မျက်တောင်မခတ် စိုက်ကြည့်နေတဲ့ CEO Kim...
အချက်အလက်တွေကတော့ သူလိုချင်တဲ့အတိုင်း သူဖြစ်စေချင်တဲ့အတိုင်း ဖြစ်လာတဲ့အရာတွေမို့ စိတ်ကျေနပ်ပေမယ့် CEO Kim ရဲ့ မျက်ခုံးတန်းတွေ တွန့်ချိုးပြီး စိတ်အလိုမကျမှုကိုဖြစ်စေတာကတော့ ကျောင်းဝန်းထဲက ခုံတန်းလေးမှာ နှစ်ယောက်အတူထိုင်နေသော ပုံတွေနဲ့ နှစ်ယောက်အတူ အားကစားရုံ ရှိရာ
အဆောက်အအုံထဲသို့ ဝင်သွားသောပုံများ...
ကြည်လင်ပြတ်သားပြီး resolution ကောင်းတဲ့ camera ရဲ့ Focus မိမိ ရိုက်ထားတဲ့ ပုံတွေထဲမှာ တစ်ဖက်ကောင်လေးရဲ့ အကြည့်စူးစူးတွေက ဘေဘီ တစ်ကိုယ်လုံးကို လွှမ်းခြုံထားသလို ဘေဘီ့မျက်နှာလေးပေါ်မှာလဲ အပြုံးနုနုလေးတွေနဲ့ ကောင်လေးကို ပြန်လည်မော့ကြည့်နေလေသည်။
Leo ကို တိတ်တိတ်လေး စောင့်ကြည့်ဖို့ တာဝန်ပေးလိုက်ပါပြီ ဆိုကတည်းက Leo ပို့လာသမျှ ပုံတွေတိုင်းမှာ ဘေဘီနဲ့ ဒီကောင်လေး နှစ်ယောက်တည်းသာ....
*ဘေဘီနဲ့ ဒီကောင်လေး သိပ်ကို အတွဲများနေပါ့လား... ဒီလို တွဲသားတွဲလာ လုပ်နေတာတွေက ရိုးမှ ရိုးသားရဲ့လား... ရိုးသားမှုမှ ရှိပါ့မလား.... ဟူးးး မင်း အတွက် ငါ ဘယ်လို အရာတွေကို ထပ်ပြီး လုပ်ဆောင်ရအုံးမလဲ ဘေဘီရယ် *
လက်ထဲက ဖုန်းကို စားပွဲပေါ် ပစ်ချလိုက်ပြီး ကုလားထိုင်နောက်မှီပေါ် ခန္ဓာကိုယ်ကို ပစ်မှီလိုက်ပြီး ဆံပင်တွေထဲ လက်ချောင်းတို့ ထိုးထည့်ကာ ဆွဲဖွလိုက်ပြီး မျက်လုံးအစုံကို မှိတ်ထားလိုက်မိသည်။
ဒေါက် ဒေါက် ဒေါက်
ထိုအချိန်မှာပဲ တံခါးခေါက်သံသဲ့သဲ့ကို ကြားလိုက်ရပြီး အခန်းထဲသို့ ဝင်ရောက်လာတဲ့ အတွင်းရေးမှူး Jin...
