သားလေးကိုခေါ်သွားသည်ဟု ယူဆလို့ရသည့် ဦးသာထက်တို့ရှိရာသို့ ကားကိုအမြန်ဆုံးမောင်းလာခဲ့သည်...မနန္ဒာတို့ကိုလည်းသက်ဆိုင်ရာကိုအကြောင်းကြားပြီးအနောက်ကလိုက်ခဲ့ဖို့ ဖုန်းဆက်ကာလှမ်းပြောလိုက်ပြီး.videoကင်မရာနှင့်gpsပါသော နောက်ထပ်gpsဦးထုပ်တစ်ခုကို.ဆိုင်မှာဝင်ဝယ်ပြီး.ခေါင်းမှာဆောင်းထားလိုက်သည်.
"တောက်စ်...ငါ့သားတစ်ခုခုဖြစ်လို့ကတော့
ဒင်းတို့မိသားစုကိုလုံးဝအရှင်မထားဘူး" ဟု ပါးစပ်ကအထပ်ထပ်အခါခါကျိန်းဝါးရင်း..ကားကို နှစ်နာရီခွဲသာသာလောက်မောင်းလာခဲ့တာ..ဦးသာထက်တို့သားအဖရှိနိုင်သည့် ဦးမင်းဇင်၏အိမ်သို့ရောက်လာခဲ့သည်..ကားကိုရပ်လိုက်ပြီး..ကားပေါ်ကဆင်းလာတော့
"ဘာကိစ္စရှိလို့လဲ" ဟု ဦးမင်းဇင်၏ခြံစောင့်က စကားကိုခပ်မာမာနှင့်မေးလာခဲ့သည်
"ဦးမင်းဇင်နဲ့တွေ့ချင်လို့ ဦးမင်းဇင်ရှိလား"
"မရှိဘူး..ဧည့်သည်တွေလာလို့ဧည့်သည်တွေနဲ့အပြင်သွားတယ်"
"ဘယ်သွားတာလဲ..ခင်ဗျားသိလား"
"မသိဘူး....မင်းကိုငါ့ရဲ့သူဌေးက တွေ့စရာအကြောင်းမရှိဘူးထင်တယ်"
"ကျွန်တော့်မှာရှိတယ်...အခုဦးမင်းဇင်ဘယ်မှာလဲ..မြန်မြန်ပြော" ဟု ဆိုကာ ထိုလူ၏အင်္ကျီစကိုဆွဲပြီး..ဒေါသကြီးစွာအသံကျယ်ကျယ်နှင့်မေးလိုက်သည်
"ဘာဖြစ်နေကြတာလဲ"
"ဒီကောင်လေး..ဆရာ့ကိုလာမေးနေလို့ကျွန်တော်ကဆရာမရှိဘူးလို့ဖြေတဲ့ဟာ..ဆရာဘယ်သွားတာလဲဆိုပြီး..ရန်လုပ်နေတယ်"
ဒီနေ့ဆေးရုံမှာday offရလို့အိမ်ကိုပြန်လာခဲ့သည်..မေမေတို့နှင့်မတွေ့ရတာကြာလို့စကားတွေပြောနေကြရင်း..အိမ်ရှေ့မှာဆူညံသံကြားလို့..ထွက်ကြည့်တော့ ဖေဖေ့ရဲ့အလုပ်သမားနှင့်ကောင်လေးတစ်ယောက်စကားများနေကြသည်..ဘာဖြစ်နေကြတာလဲ ဟုမေးပြီး ထိုကောင်လေးကိုကြည့်လိုက်ရာ
"ဟင်" ဟု အံသြသွားရသလို ၉နှစ်လုံးသေဆုံးသွားသည့် နှလုံးသားသည် ပိုင်ရှင်နှင့်ပြန်တွေ့သောအခါ...ရင်ခုန်သံတွေပြောင်းလဲမသွားခဲ့ပဲ အခုန်မြန်နေစဲပေ..
