[Unicode]
လီမန်က သစ်ကိုင်းတစ်ကိုင်းကိုချိုးလိုက်ပြီး သဲပေါ်မှာစာကြောင်းတစ်ကြောင်းကိုရေးပြလိုက်ကာ မေးလိုက်၏။
" အစ်မနာမည်က လီမန်၊ မင်းနာမည်ကကော? "ရှောင်းဝူဇီ၏မျက်လုံးများသည် ကန်းတော့မတတ် မြတ်နိုးမှုများဖြင့်ပြည့်နေပြီး
" အမစာရေးတတ်တယ်! "" နားလည်လား? "
လီမန်က ကောင်လေးရဲ့လက်ထဲကို သစ်ကိုင်းထည့်ပေးလိုက်ပြီး မြေကြီးပေါ်က သူမရေးထားသည့်စကားလုံးကို ညွှန်ပြလိုက်သည်။
ရှောင်းဝူဇီကသူမပြောချင်တာကိုနားလည်ပေမဲ့ စကားလုံးတွေကိုတော့ မှတ်လည်းမမှတ်နိုင်သလို ရေးလည်းမရေးနိုင်ပေ။
မိသားစုထဲမှာ စတုတ္ထအကိုကသာလျှင် စာအဖတ်ဆုံးနဲ့ သြဇာအရှိဆုံးဖြစ်သည်။ ကျန်တဲ့ညီအကိုသုံးယောက်လုံးက သူ့လောက်ပင်မတော်ပါချေ။ အကြီးဆုံးအကိုနဲ့ တတိယအကိုက သူတို့နာမည်တွေကိုရေးနိုင်ပြီး ဒုတိယအကိုကတော့ စာအုပ်တွေကိုလည်း မှတ်သားနိုင်တဲ့လူဖြစ်သည်။
" မရဘူးလား? "
သူ့ရဲ့ခါးသီးလှတဲ့ မျက်နှာကိုမြင်တော့ လီမန့်မှာသက်ပြင်းအရှည်ကြီးပင်ချမိတော့သည်။
ရှောင်းဝူဇီလည်း ဒီအချိန်မှာအနည်းငယ်စိတ်ဓာတ်ကျမိသည်။ သူစာမဖတ်တတ်တာကြောင့် အစ်မကသူ့ကိုမကြိုက်တော့လား?
အစ်မကသာသူ့ကိုမလိုချင်တော့ဘူးဆိုရင် နောက်တစ်ခေါက်ထပ်ထွက်ပြေးအုံးမှာလား?
သူက လီမန်ရဲ့လက်ကိုဂရုတစိုက်နဲ့ ကိုင်လိုက်ပြီး ရူးနှမ်းနှမ်းပြုံးပြလိုက်၏။ သူကသူ့အပြုံးကို ယုံကြည်မှုအပြည့်ရှိခဲ့သည်။ အချိန်တိုင်း သူတစ်ခုခုအမှားလုပ်မိတိုင်းမှာ သူဒီလိုပြုံးပြလိုက်သည်နှင့် သူ့မိသားကသူ့ကိုခွင့်လွှတ်လိုက်တာပဲဖြစ်သည်။
* ပေါက်ကရတွေလုပ်ပြီးရင် အငယ်ဆုံးလေးက သူ့အကိုတွေကိုဖားဖို့ ရူးနှမ်းနှမ်းလေးပြုံးပြလိုက်တာနေမယ် (≧▽≦)
သေချာတာပေါ့။ လီမန်ကလည်း ကောင်လေးရဲ့အတွေးကိုသတိထားမိပြီး သူ့ခေါင်းသေးသေးလေးကိုထိလိုက်ကာ အားပေးလိုက်သည်။
YOU ARE READING
ကံကောင်းသော ဇနီးသည်
RandomStatus - 382 (completed) Gentre - Fantasy, Normal, Harem, Slice of life, Romance, Mature