ကံကောင်းသော ဇနီးသည်

11.

[Unicode]

မီးဖိုချောင်က သိပ်မကြီးပေ။
အရပ်မြင့်မြင့်နဲ့လူနှစ်ယောက်သာ ဖျစ်ညှစ်ပြီးဝင်လာလိုက်ပါက နေရာတစ်ခုလုံးကိုပြည့်ကျပ်သွားမှာဖြစ်၏။

လီရှောင်းဝူနဲ့ သူ့တတိယအကိုတို့က မီးဖိုချောင်ထဲမှာ ပြဿနာရှာနေတာကြောင့် လီမန်မှာ အိုးနောက်နားသို့ အတင်း ဖျစ်ညှစ်ခံထားရသလိုဖြစ်နေကာ မျက်နှာချင်းဆိုင်ဘက်ကိုတောင်လှည့်ယူလို့မရပေ။

အဲ့တာကိုလီယန်က​မြင်တဲ့အခါ သူ့ညီငယ်နှစ်ယောက်ကို ဆွဲထုတ်လိုက်ပြီး စဥ်းတီတုံးပေါ်ကငါးတွေကို ခုတ်ဖို့လက်ညှိုးထိုးပြလိုက်၏။

သူကပြုံးလိုက်ရင်း လီမန့်ကိုပြောလိုက်သည်။

" မင်းအတွက်ခက်ခဲစေမိပြီ "

နေ့လယ်စာအတွက် ငါးချက်ရမလား?
ဒါပေမဲ့ သူမက ခေါက်ဆွဲချက်ဖို့လုပ်ထားတာဖြစ်သည်။

" ရှောင်းဝူ, မင်းမီးမွှေးဖို့လုပ်ပေးလိုက်! "

လီယန်​က ညီငယ်လေးကိုပြောလိုက်ပြီးနောက် ကျန်တဲ့ညီတစ်ယောက်ကို ဆွဲထုတ်သွားလေတော့သည်။

ကျန်တဲ့ညီအကိုတွေထွက်သွားပြီးနောက် လီရှောင်းဝူတစ်ယောက်တည်းသာကျန်ခဲ့သည်။

" အစ်မ, ကျွန်တော်အစ်မကို မီးမွှေးကူပေးမယ် "

လီမန်က သူ့ကိုခိုးကြောင်ခိုးဝှက်နဲ့ကြည့်လိုက်သည်။ သူမဒီကောင်လေးရဲ့စကားကိုများ တလွဲတွေလုပ်မိသွားလို့လား ၊ ဒါမှမဟုတ် သူလိမ်များသွားတာလား?

* i think သူက လီယန်ပြောတာကိုတွေးနေတာထင်တယ် အချိတ်အဆက်ကလွဲနေတာ TvT

အစကတော့ နေ့လယ်စာက လူနှစ်ယောက်အတွက်ပဲ ပြင်ထားခဲ့တာဖြစ်သည်။
အခုတော့ လူသုံးယောက်ထပ်ပိုလာပြီဖြစ်၏။

ခေါက်ဆွဲချည်းပဲချက်ဖို့က အဆင်မပြေတော့ပေ။ ဒါပေမဲ့နယ်ပြီးသားဂျုံတွေကရနေပြီမို့လို့ ဒီနေ့ နေ့လယ်မှမစားဖြစ်ရင် အလဟဿဖြစ်သွားမှာပင်။

လီမန်က အဲ့တာကို စဥ်းစားပြီးတဲ့နောက် ထမင်းကိုအိုးတစ်ဝက်လောက် ပေါင်းဖို့လုပ်လိုက်သည်။ ဒါက ပေါက်စီတွေပေါင်းလိုက်ဖို့လည်း နည်းလမ်းကောင်းပင်ဖြစ်၏။